2011-12-29

今日於$1.85沽出三分一的信佳 (#912).  另已收到信佳於12月21日的派息, 撥入現金.

港股仍然淡靜, 成交只有290億. 恆指今天低位開出後輾轉上升, 歐洲開市向上, 2011年最後一個交易日會否向上?

工業股持續疲弱, 信佳, 中聯重科 (#1157), 以及三江化工 (#2198)等等都下跌. 但收市前#2198急彈, $1.86的收市價是頗吸引的. 但走勢實在偏弱, 或許可以小注博反彈.

蒙牛今日曾再下跌超過8%, 尾市有反彈, 但仍跌7.4%. 三年週線圖中2009年6月至9月的密集區似有支持, 亦開始超賣, 可能會有點反彈. 但個人只會作壁上觀.

組合微跌0.2%, 現金43%

2011-12-28

今日無任何操作。

恆指跌110點，成交再創新低至不足280億。

組合中的正通及六福下跌4%，其他觀察中的二三線股之跌幅亦高於大市。合景泰富及雅居樂卻逆流而上。

蒙牛再爆食物品質事故，被洗倉下跌超過20%。中國食品股每隔一段時間便會有類似的新聞，主要緣於中國人無視他人健康，只顧賺取最高回報。但香港人對食品質素及安全的要求非常高，在港上市的國內食品公司如不正視問題，對小股東是很危險的。

組合回報下跌1%，現金39%。

聖誕快樂

昨天及今天都沒有操作.

聖誕前最後一個交易日, 恆指升250點, 但成交再創今年新低, 只有280憶, 非常淡靜.

持股除信佳外都上升. 正通升近5%至$7.66, $6.36買入的一注會繼續坐坐, $7.9買入的一注其望能見家鄉!

重慶機電今天成績最好, 升8%, 但較買入價$1.31只是升2%.

山水水泥升1.2%, 仍較買入位低3.5%.

六福升幅只有0.5%, 今日曾上$28.9水平但後繼無力, 接近全日低位收市.

組合內最重持股為信佳, 但近日表現不濟 , 正考慮下星期先沽出一半, 所收的派息應已全存入戶口.

組合今日升1%, 現金39%.

2011-12-21

今日無任何操作。

組合回報升1%, 現金39%。

2011-12-20

今日無任何操作

組合回報下跌0.5%, 現金39%

2011-12-19

上星期五(12/16)於$6.36買入一注正通.
今天無任何操作.


組合回報微跌0.1%, 現金39%.

2011-12-15

今日無任何操作。

正通今日曾大跌超過6%，可惜掛上的買盤未能執行。股價於自己的買盤上不肯再向下，並繼續向上，收市只跌少於1%。

六福亦偏强，下跌4%後回升全日並無升跌，掛上的買盤亦未能執行。

組合回報下跌0.9%，現金44%

2011-12-14

今日無任何操作.

正通昨日"報復式"反彈後今日再大跌, 如明天再下跌會考慮買入.

組合回報下跌0.4%, 現金44%

2011-12-13

今日無任何操作。

組合回報微升0.1%, 現金44%。

2011-12-09

今日於$7沽出一半正通， 下午再於$6.84買回。

組合回報下跌1.4%，現金53%。

2011-12-07

今日無任何操作.

正通chok上chok落, 隨時被震走. 上星期於$7.95買入的一注因沒有貼市, 一不留神便跌至$7.2水平...希望$7.28的一注能減少損失...或者$7.95的一注可能要變為長線持有 (雖然這並非所想).


組合回報升0.4%, 現金54%

2011-12-06

12 月 1 日於$7.95買入一注正通。
12 月 5 日於$1.31買入一注重慶機電。
今天再買入一注正通.


組合回報下跌0.6%, 現金54%

2011-11-29

今日無任何操作.

組合回報微升0.2% , 現金70%

2011-11-24

今日無任何操作。

組合回報持平，現金65%。

211-11-22

今日於$3.5沽出#3618，及於$1.14沽出#1900。於$7.79換入正通。

正通又一次大跌數個巴先後於尾市被急速扯高。今日本欲於$7.7下買入，但下午於$7.74便掉頭向上。現價較買入價大概升7%。

組合今日持平，現金64%。

2011-11-21

今日於$3.5沽出重農行，微蝕。今日#3618跌超5%，期望再回調多一些後買回。

組合回報下跌0.7%，現金63%。

2011-11-15

今日無任何操作。

組合回報升0.3%，現金57%。

2011-11-14

今日於$4.63沽出#999。

I.T 升穿$5時未有把握時機套利。近日股價浮沉於$4.6-$4.7附近，決定先行沽出，如跌穿$4.5會再買入，又或許換入其他走勢較的股票。

組合回報升0.9%，現金57%

2011-11-11

今日無任何操作.

組合回報升0.7%, 現金50%

2011-11-10

今日於$3.6買入一注#3618重農行，並於$2.9沽出合景泰富止蝕。

組合回報下跌1.6%, 現金50%

2011-11-08

今日跟Danny 兄買入雞仔注#1900中國智能交通，買入價$1.36。

組合回報下跌0.3%，現金54%

2011-11-07

今日無任何操作。

恒指跌164點，成交縮至540多億。歐洲開市下跌，令港股尾市跌勢轉急。

合景泰富公佈上月銷售，按年及按月分別升5%及15%，但股價卻下跌超過5%，未知是否與此消息有關。

另外市場傳出意大利債息升至6.59%。淡友回否借此消息將大市再向下推？雖然這些所謂新消息實際是大家都有心理準備的，但上星期已有一定升幅，作為調整的藉口亦有可能。

組回下跌0.4%，現金54%。

2011-11-04

今日於$2加半注信佳。

恒指升600點，成交734億。網又推介的信佳國際不負眾望，突破$2，升超過5%，成交亦配合。下午追入半注，期望下週能繼續向上。

美蘭機場亦大成交升5。另外，#999及#1813今日升幅不大，全繼續持有。

組回升0.9%，現金54%。

2011-11-03

今日於$5.42買入一注#357美蘭機場。

恒指再一次跟美股反向而行，跌超過500點，昨日的升幅全抵消掉。

持股獨合景泰富跌幅較大， 超過4%，其餘上落不多。全繼續持有，適時加注。

組合下跌0.4%, 現金58%

2011-11-02

今早小注買入#1813 合景泰富@$3.18

美股歐股狂瀉下港股居然獨善其身, 升363點, 成交741億. 一心步部署今早港股大瀉時加倉, 不料大市不肯落, 午後更V型反彈...令人費解...莫非當真如網友所言, 阿爺有所行動?!

今早的#1813買盤本設近$3, 股價久久不下, 中午收市前升勢略轉急, 把心一橫小注追入, 一切以注碼控制風險. 下午收市#1813升近4%.

#999 上升 2%, #912信佳回升至買入價.

個人倒較期望大市下跌, 今日的升勢個人未能盡享, 因現金水平偏高. 買貨未夠. 歐洲剛剛開市並反彈.  今晚美股如反彈, 港股明日或能繼續向上. 但個人應該不會在那時加注.

組合回報微升0.6%, 現金60%.

換馬

今日有數項操作：

沽出正通，平均價$8.9，微損4%
沽出大昌行@$9.8，微損3%
沽出長汽@$9.84， 微損4%
跟danny 及洞人兄換入信佳國際，買入價$1.89。

恒指大升超過600點，成交超過900億，為近日少有的升勢。歐債問題其實未有解決方發，但市場反應正面，這是需要尊重的。

既然如此，為何今日選擇蝕沽幾支股票？今日所沽出的其實已經持有一段時間，以短炒的角度早該沽出了，但自己對市場的預估不準，到沽價下跌時又沒嚴守止蝕，導致坐貨到今時今日。坐貨期間三股的股價較買入價曾下跌近30%。今日只微損數個巴仙，算"執番身彩"。明日期指結算可能回繼續向上，但選擇先行沽出主要是因為未來數天公事將會很忙，多半沒有時間貼市等待股價進一步上升才沽出。今日進行一系列動作後下星期會比較安心。

昨天換入的I.T 今日再向上，但較買入位的賺頭不多，繼續持有。

今日買入的信佳初段下跌，午後維持沒升跌，其後升近5%收市。此股為工業/電子產品製造股，兼製昨寵物訓練用品，電子教材等等，業務範疇甚廣。但依各位高手意見，其產品收週期性影響較少。加上開始接到太陽能交換器的訂單，股價亦較落後大市，遂跟進買入。

組合回報升3%，現金70%。

2011-10-25

今日於@$4.88買入一注I.T。

恒指升190多點，成交縮減至近600億。

I.T 昨日公佈業績，盈利上升超過40%，但存貨量增加，國內增長略為減慢，派息削減。種種負面因素的影響蓋過正面因素，加上大行唱淡，令此股今日被大力洗倉16%。近幾天她的升幅有點急，今日回跌至急升前的水平。先買入一注，如跌至$4.5甚至以下會加注。

公事繁忙，昨晚逼於無奈要將公事帶回家處理。這情況自己是免得過就免，不過這趟是避無可避。類似情況希望不會常發生.

組合回報升1.3%, 現金 49%.

近況

近日公司事務繁忙, 觀市時間不多, 操作亦大為減少. 自10月11日後都無暇(亦無概念)更新網誌, 現簡單記下交易記錄:

10/12 @$6.05沽出雅居樂, 獲利17%
10/13 @$4.41沽出東方表行, 微利6%

現在持貨:

正通汽車
大昌行
長城汽車

近日反彈未有作任何買賣. 所持有的三支股票除長城較有機會回家鄉外, 其餘兩支應該要再坐一會了.

組合回報較10/11微升0.4%, 現金55%

2011-10-11

今日有數項操作：

沽出一半長汽，於$5.15換入雅居樂
沽出一半大昌行，於$4.1換入東方表行。

恆指開市大升超過700點，主要受匯金買入四大銀行消息及美股大升刺激。可惜內地股市並無跟隨。上證及深成指數輾轉向下，收市只有數點的升幅。港股收市升幅收窄至只有400多點，成交836億。

近日未能貼市浪費了捕捉反彈的良機。未來數天能貼市的機會較少，加上星期五開始會到台中稍事休息，故減持一些套牢已久的股票，換入一些更便宜的選擇。沽出的大昌行及長汽自買入後都未曾再出入，早前的洗倉潮下帳面損失幾乎達30%，這對自己的操作帶來不少心理影響。恆指連日升市帶來解困的機會。沽出的兩注一支微利另一支只損失一點手續費，算是幸運。在這反彈浪中雖然未能趁機提高自己的現金水平，但減少損失保留實力是錯不了的，唯有未來提升個人投資技巧及對宏觀大市及經濟的判斷力。

歐洲債務危機是否能久解決，相信沒有良方。德法兩國跟歐盟於處理希臘債務問題仍未有共識。作為歐洲最大經濟體，德國並不樂意拯救其餘較細的國家，主要是不滿各國"闊佬懶理"自己的問題，國民及既得利益者並不甘於福利被削，政府亦不敢大刀闊斧進行改革。眼見各國連門前雪都不顧，德國自不希望伸出援手。如德國肯施援應有助股市回升，但個人認為這並非解決問題的根本。

雅居樂今早於股市大升時跌7%，跟隨洞人兄及travers 兄投機買入。自己對雅居樂的認知不多，買入絕對是跟風，回家要研究一下。

東方表行買入其實有一點失誤。開市前掛了競價限價盤但未能成功買入，買盤被帶到正常交易時段並於下午買入。下午恆指升幅收窄時應該要取消交易但事忙未有處理。明日如下跌可能先行沽出。

組合回報升2%，現金41%。

2011-10-06

事忙，一切從簡。

今日無位何操作。

大反彈日，不少股票有超過10％升幅，可惜手上幾隻股票只有6-7％的反彈。如明日繼續反彈會視情況減磅。

星期二大洗倉日忘記了記錄收市後的組合市值。今日組合回報較星期一升0.9％

向15000進發

今日無任何操作。

恆指今日再大挫770點， 成交763億。又是另一洗倉日， 大量股票被洗超過10％，指數轉眼便跌穿17000，個人認為坊間所講的下一個指持位16000的支持作用並不大。加上近日國內國慶長假期，整個星期股市休市，港股並不樂觀，如果沒有反彈，16000相信指日可待。下一站15000。

個人重貨板塊的汽車股繼續被洗， 正通尾段跌勢專急， 跌11％， 收$6.14。 大昌行跌8.7％， 收$7.41。長汽跌幅較少，下跌5%，收$8.56。無貨的中升亦被洗14%。華晨跌11%。

鐘錶奢侈品類亦大瀉。 英皇曾挫20%， 收市仍跌近19%。六福曾跌穿$20, 收市$20.55, 跌超過一成。穿$20的六福頗具吸引力， 但繼續下跌的機會太大， 待跌至$16附近便是買入的時候.

組合又再大跌3.7%，現金34%

反彈

今日於$9.35沽出昨日買入的長汽。獲利大約13%。

期待已久的反彈終於出現。恆指大升超過700點，成交不算特出，只有713億。期指結算臨近，歐債危機被認為略為舒緩，都是所謂的利好消息。

正通及I.T 全日升超過10%，如上星期末並無急於入市而是於昨天才買入，會有頗為可觀的回報。可惜事與願違。

長汽今早升至$9.36高位後全日於$9.3下徘徊，收升$9.25。雖然於高位沽出，不排除長汽承A 股即將上市而繼續向上。會視乎走勢決定持有或先行沽出。如其他網友，暫時沒有沽出正通，現價平均虧損15%。算對得起主席了。

大昌行升幅較小，只升5.3%。雖然長線沒有問題，如果明日繼續上升至上一注的買入價會先行減持。

味千全日升超過9%。此股現價微蝕數個百份點，如有正回報會先行沽出。

組合今日升4%，現金28%。

2011-09-26

今日於$8.19買入一注長汽。

恆指今早開市微跌，之後跌幅擴大至超過600點，跌穿17000後即反彈，全日只跌200多點，成交791億。34隻牛證被殺。

雖然指數只跌200多點，但二三線股再被洗倉。零售及汽車股都是重災區。六福，周生生，英皇珠寶等曾跌近20%。華晨，長汽，正通等汽車股亦跌超過15%左右。戰況慘烈。

下午開市後見長汽下跌超過10%，遂於$8.19買入一注，不幸買入後繼續下跌至近$8。幸好之後反彈，收$8.63。假若明日持續反彈至$9會先行沽出。

正通收市跟長汽一樣跌近10%。大昌行跌近2.7%跌幅相對輕微。味千亦下跌近7%。

零售股I.T 亦遭洗倉，全日下跌近11
2‰。經濟不景，理論上零售市道會受直接影響。但I.T 的銷售對象為年青一輩。千多元一件T-shirt 對打工仔是昂貴的，但現在的年青人很捨得及樂意花費於"潮物"，再加上這一輩人對經濟衰退惡化的觸覺並不強烈，此類零售股應該大有可為。今日#999跌至一年低位，理論上可買入。可惜經過近一個星期，明白甚麼叫低處未算低，不能太急於撈底。

話雖如此，個人正等待反彈的來臨，好讓我略為減磅，增加現今水平並為下一輪跌浪準備現金。這個星期自己絕對明白心急的後果，這亦是自己的缺點，要好好緊記！！！

組合大跌超過3%，現金23%。

血流成河

今日有數項操作:

• 加注大昌行 @ $8.33
• 加注長汽 @ $9.9
• 買入I.T @$5.26
• 買入味千 @ $9.48

恆指大瀉超過900點, 成交近830億.  一個"要錢唔要貨", "執笠大平賣"的格局. 全日只有大概70隻股票上升, 其餘千多隻皆下跌. 指數跌穿18000, 應該有不少牛證被"打靶", 明天究竟是繼續向下殺或是有反彈? 天曉得!!....今天下跌的寬度很大...自覺是頗為罕見, 應該要好好紀念!!!!

今日跌市的主因可能是聯儲局結束議息後並沒有帶來QE3，更認為經濟有很大的下行風險。三間美國銀行被調低短期或長期評級只是例行公事，更加確認美國的經濟何其差而已。這些都已經是舊聞並是人所共知的事，無奈好友極為弱勢，人心虛怯，淡友棄能放過這造淡的好機會！

今早開市不久便買入味千, 早上跌幅維持3%左右, 但午市後市況轉差, 收市跌4.3%, 買入的時間太早了, 如果未來數天表現依然差勁會考慮沽出...向好的方向想, 今天的跌幅其實已較很多股票好.
買入I.T的時間亦太早. 雖然是午後才買入, 不幸地一買入後便開始下跌, 收市更跌至$5.07...之前自己一直希望於$5邊買入, 奈何太心急, 認為I.T一直跌不下, 但最終不的大市的力量下跌...未來數天要密切監察!!
大昌行大瀉11%, 於尾市加一注.
正通曾跌至$7.5但收市前急回升至$8, 全日只跌少於4%. 不知是否如洞人兄言, 有"有心人"扶一把?

長汽於今日的大跌市終於失守$10，收市只有$9.85。收市前跌跌勢比較急，早前設下的買盤於$9.9順利執行，亦此料不及。

組合今日下跌2.5%，現金降至27%。現在現金水平偏低，如組合內的股票下跌亦無力加注了。如有反彈亦會選擇沽出一些以爭加弱市下的信心。

2011-09-21

昨日於$8.78買入一注正通.
今日無任何操作.

恆指低開, 午市前升至全日高位, 接近昨天收市價. 但午市後再下跌, 收市跌190點, 成交657億.  升跌比大概為4.5 : 7.

太陽能股保協跌5%至$2.4水平, 卡姆丹克雖然平收, 但兩股下跌之勢未止, 個人不太夠膽沾手.

#999 今早跌至$5.27, 接近希望買入價, 但隨後即反彈, 更比昨日升0.5%. 再等等吧, 相信仍有機會於$5邊吸納.

昨日買入的正通今日又再跌超過5%, 在無特別消息情況下跌, 兼跌幅還是可接受水平, 繼續持有.

長汽今日低開高收. 早上曾見$10.2附近, 希望於$10邊加注但跌不下. 其後更倒升超過1%收市. A股已決定於下限13元人民幣定價, 折價港幣$15.8左右. 看來長汽應該還有向上的空間. 但希望能稍為回調好讓我能加注!

大昌行連續第三日下跌, 今日下跌近2.2%, 收$9.35. 技術上今日跌穿100天EMA, 20週EMA險守, 但仍穩守50週EMA. 基本面並沒有改變, 但會嘗試下跌至$9以下才再買入.

今日再看看一些曾經買入的股票, 跌超過50%的比比皆是. #746 今日再被洗倉, 跌9.6%, 今日剛好跌至250週線, 未知會否跌穿...#3933今天雖然上升但仍較今年高位跌超過50%, 大股東現金爭持亦毫無幫助....

市場氣氛真的很差, 保留現金為上.

組合回報下跌0.7%, 現金53%

2011-09-16

今日尾市於$10.6沽出中聯重科, 損8%.

恆指升273點, 成交715億. 升跌比例大概為8 : 3.

中聯重科早上升2%但下跌突然急跌, 收市升幅只有0.5%. 當大家都升的時候他下跌, 走勢似乎不大好, 暫時沽出, 待回落至$8.5水平再考慮買入.

昨日沽出正通時過早了, 今日大升超過7%, 又再證實自己觀察後市能力遠未到家。雖然今日大升，但估計仍會上落，會候低再吸。今日的收市價仍較第一注的買入價為低，如下星期再上升會伺機套利。

長汽升超過4%，A股將快定價，期望能繼續向上，如下星期下跌會買回。

大昌行今日慢步平穩向上，收市1.6%，但仍較買入價為低，自己未能把握回調至低位買進的機會，要好好檢討。

組合回報升1%，現金60%。

2011-09-15

今日於$9沽出上星期買入的正通, 微利.

恆指升136點, 成交縮至678億, 升跌比例大概 1:1.

正通開市時曾微跌, 之後拾級而上, 升至$9.03回落, 收市$8.86, 升近5%. 大股東連續數日曾持, 截至今日持股量升至61.73%. 雖然如此, 波動市下暫時減持此類大上大落的股份, 個人心理負擔會比較輕. 但如果再下跌至$8附近會再吸納.

大昌行曾大升至$10.26, 但升勢不能持續, 收市回落至$9.92. 暫時無賣出的計劃.

長汽升2.3%至$10.54, 新聞報導謂長汽A股建議詢價區間為每股18.27元至22.04元人民幣，市盈率介乎16至19倍. 現在H股的市盈率只有9倍, 如以18.27人民幣下限定價, 將較H股有接近一倍溢價. 長汽大概還有機會再上，但如昨日所言，跌至$10附近才會加注，除非於現價突破向上才另作考慮。

中科今日再下跌5%，三一重工來港上市的影子概念這麼快結束？暫時繼續持有，如再大跌才決定下一步。

組合回報升0.4%，現金55%

2011-09-14

今日無任何操作。

恆指今日高位開出，但之後急跌至18600附近，下午V 型反彈，收市升14點，成交超過800億。今日恆指好淡通殺，早上入市或下午沽出都可能被夾。

開市時正通升至$9水平。初時估計港股可能會跟美股反彈，遂設下較高的沽出價。不料大市掉頭向下，正通更一度跌10%，那刻是全日低位。有點衝動於底位再買一注，但無可避免會另正通在組合內的比重升上首位，自己並不希望這情況發生，始終正通波幅太大，於這市況持有太多會令自己心理壓力太大，所以暫放棄買入。可幸的是他從底位回升，全日下跌少於3%。不過就未能賺取即日7%回報罷了。

一向穩健的大昌行為今日組合跌幅最大的一員，全日跌近5%至$9.7左右。誠如洞人兄所言，大昌行現價距離一年低位還遠，暫不急於加注。

長汽今早曾跌至接近$10水平，嘗試於$9.95設買盤加注但無功而還。長汽在今日的洗倉潮裡力守$10，看來支持不錯。但當A股上市後會否持續還要觀望。

中聯重科跌近2%，暫繼續持有。

組合回報下跌1%，現金46%。

中秋快落

昨日有兩項操作, 於 $11.5買入中聯重科(#1157)及於法$8.7加一注正通.

中秋節港股承美股上星期大跌, 全日大跌超過800點, 跌幅為區內之冠, 但成交只有500多億. 雖然跌市成交縮並非壞事, 但現在的情況是股市再開始呈陰乾式下跌, 很多於上月被洗倉的股票再向下跌, 情況並不樂觀.

翻查記錄, 今日買入的#1157個人曾於今年4月的時候以$22左右買入, 幾乎平手離場. 昨日買入價已較五個月前下跌近50%了...不知道該慶幸還是唏噓. 今次再度買入的理據為謝國忠都看好.

正通繼續大上大落, 今日買入主要是博反彈, 希望有機會重回$9水平後沽出

加插一段謝國忠對後市的看法.

http://finance.huagu.com/pl/110829/97650.html

組合回報下跌1.35%, 現金46%

2011-09-08

昨日和今日都沒有操作.

恆指跌135點, 成交641億. 美股上升並未能刺激港股向上. 歐洲主要股市繼昨日上升後今日再向上. 

正通今日再跌近6%, 較買入價已經下跌10%, 正不斷考驗自己的忍耐能力. 技術上應該要沽出, 但以基本面來看有並不差, 只是如眾網友所言, 未知道管理層的底蘊. 個人覺得現在持有正通某程度是賭其管理層有沒有誠信, 現階段姑且"買大", 希望不要"開細"吧!

長汽今日曾上升至$11.14水平, 但跟隨大市下滑, 收市只有不足1%的升幅. 暫時覺得長汽再下跌至$10下機會不大, 如下試$10附近會加注.

大昌行升近1.7%, 繼續維持其緩慢上升的形態, 繼續持有.

今日組合回報大致持平, 現金60%.

2011-09-06

今日無任何操作。

恆指今天似過山車，升升跌跌，收市升90點，成交升至600多億。上升原因估計跟瑞士法郎變相跟歐元掛勾有關。

正通今日曾大跌9%，後跟隨大市收窄跌幅，收市報$9，下跌5%。正通波幅太大，自己不敢再買入溝淡，能反彈減少損失已經不錯。

長汽今早跌勢並無正通般急速，但下午曾跌至$10水平，但未有繼續向下，似乎找到了支持，此後反覆回升，收市跌近2.7%。早上設於$9.8的買盤並未能成功執行.

組合回報下跌0.8%, 現金 60%. 

拙劣

今早曾於$9.25沽出正通，後因為急反彈而於$9.62再度買入。另於$10.6買回長汽。

美國公佈就業數據比市場預期差, 無新增職位是出乎市場預期. 美市今日假期休市, 但恆指全日跌近600點，成交縮減至不足600億。看來大家都仍然在觀望奧巴馬星期四的演說。

今早正通急跌至接近止蝕位，自己定力不足便急急沽出。後又急速反彈，因怕錯判走勢而再買入。正通的股價最終仍低於今早的買入，兩邊不是人。操作如此亦無謂為自己辯解，自我警惕更為重要。但從今日正通的股價大上大落觀察，要短炒正通對我來講並跌勢加劇，長汽亦下跌超過6%，遂於$10.6買回一注，如跌至$10以下應會再加注。

大昌行股價堅挺，初段逆市上升，雖然之後回落，但全日跌不足0.6%，看來大家都對他頗有信心。

組合在今日的拙劣操作下只微跌0.4%, 是不幸中之大幸. 現金60%. 

2011-09-02

今日無任何操作。

恆指連升數停後隨美股回調，全日下跌近372點，最多曾下跌近400點，成交減至716億。

昨日沽出長汽並部署低位買入。今日曾下跌超過2%，但其後回升，買入的機會暫時落空。

正通今日繼續下跌，開市乃全日最高位，下午跌勢加劇。網友指出今日有一涉資過億的大手成，並謂每逢此等成交後有機會大上或大落。洞人兄不幸言中，正通於收市前大跌，以全日低位收，大跌9%。今天的成交量更大於早前復牌大升的成交，技術上走勢比較差，如下星期持續下跌可能會止蝕離場觀望。

大昌行初段較強勢，早上只跌1%左右。無奈下午亦要跟隨大市下跌，全日跌3.5%。惟成交不大，繼續持有。

組合回報下跌1%, 現金67%

(執筆之時主要歐股下跌超過2%，相信今晚美國的就業數據應會決定下周港股開市的走勢。)

2011-09-01

今日於尾市以$11.4沽出長汽。

恆指今日開市不久後升至全日高位，其後輾轉下跌，全日升只有50點，成交增至870億。

長汽開市已是全日高位，但升幅隨大市下跌縮減，收$11.36。連升數日後來一個調整個人認是正常反應。美股連升數日，察覺到開市前時短杜指期貨下跌，歐洲主要市場開市後亦下跌，德國DAX 跌超過1.2%，為免明天開市下跌而蠶食利潤，遂選責暫時沽出套利。持貨一星期有12%利潤，不差了。會部署再買入。

連續爆升兩日的正通今日曾回落超過6%，下午由低位回升，全日下跌3.5%。網友在山洞留言謂菁姐並不看好正通的收購。自己並無詳細研究菁姐的意見。但個人認為收購確能提升正通的競爭力及其估值。但正通的大上大落格局確實有點炒味，唯有以注碼控制風險。

正通的同業大昌行昨日升穿52周高位後今回落1%，但成交縮減，個人認位是正常的調整。今日的收市價較買入位仍有水位，而大昌行為穩健之選，會繼續持有。

組合今日下跌0.3%，現金67%。

月結

今日無任何操作。

恆指升330點，但成交縮減至750億。初段只是微升，但臨近尾市升幅加劇，幾乎以全日高位收市。

持股方面，昨日買入的正通今日本來在昨日收市價附近上上落落，更一度下跌超過1%。不料臨收市的數分鐘大升超過8%，但成交比較小。幸好買入價是昨日的低位，再加上注碼較細，否則可能被震出。據網友洞人兄所講這種升勢在正通較常見，友佳亦然。又上一課了!

大昌行開市不久已經升穿52周高位，收市亦能夠保持。繼續持有。

長汽升2.5%，升幅雖然不及大昌行及正通，但較緩慢的升勢可能更適合中長線持有。

今日是8月的最後一個交易日，恆指已連升3日，組合回報亦上升。但此升勢是否能夠在9月持續？美國方面暫時走勢不差，但歐洲方面的升勢能否在下月保持？自己不太樂觀，所以過去數日的操作都是換股為主，現金仍有60%左右，以準備股市再下跌時有足夠資金買貨。

組合今日升1.1%，現金59%

2011-08-30

今日於$5.2沽出東方錶行，獲利約10%。另於$9.9買入今日復牌的正通。

恆指今日升300多點，成交大增至890億，升幅亦頗為全面。

正通停牌近一星期，終於復牌並宣佈以67億全面收購國內一家汽車代理公司，幾乎購入一家與自己市值相若的公司，亦令旗下的4S代理店及代理的品牌立時大增。開市前的競價時段只升4%，但開市後立刻飆升10%，此後不段向上，最多升近20%，收市仍升近15%。雖然升幅巨大，但收購消息確令正通更具競增力，其預期市盈率可下調，個人應該能承受下跌風險，故仍然買入小注。

東方錶行今早升得頗快，開市不久後便落盤於$5.2沽出，指示不一會便被執行。其後雖然繼續向上，但收市回落至$5下。由東方升穿買入價至沽出只短短數天，獲利10%實屬僥倖。如股價進一步下跌會考慮再買入。

長汽正式獲批發行A股，消息刺激股價升5%，曾考慮於$11以上股出，但同意洞人兄所講$9.5水平未必容易再見，而travers 兄亦認為發A股乃利好訊號，所以決定暫時持有。

大昌行整日升幅平平但尾市發力，全日升4.3%。繼續持有。

持股有兩支股票為汽車代理股，會否令組合不大平衡呢？個人覺得有機會，但兩股的業績確令我對豪華汽車市場有不少憧憬，暫時選擇持有。但現時的市況洗倉並不太雖要理由，會再研究下一步如何進行。

組合今日升1.2%，現金59%。

2011-08-29

今日無任何操作。

恆指升200餘點，但成交縮至只有530多億。很多股票大幅攀升，但依舊有很多遭洗倉。中人壽繼續下跌超過3%，可見市場對其業績有多失望及不滿。

持貨方面，大昌行，長汽及東方錶行全大升，其中東方錶行一度升超過10%,收市升超過9%。大昌行升5.6%。長汽初段略為遜色，但尾市亦升超過3%。

雖然三股升幅不小，但如以絕對回報計算則不值得沽出，本小，無肉食是也！

國內股市受人民銀行要求銀行上繳存款準備金影響下跌，但港股未受影響，明日期指結算未知會否先高後低？如持明日繼續向上會善價而沽。但如市況向下，會留意有否買入的機會。

組合回報升1.3%，現金59%。

2011-08-26

今日無任何操作。

恆指跌169億，成交縮減至587億。大盤牛皮，但某些股票跌幅較大，英皇鐘錶，東方錶行等跌得較深，昨日買入的東方錶行大跌6%，但成交並不特別顯著，暫時繼續持有。

昨日大升的長汽今日回跌3.6%，成交只有昨日約1/3。大昌行情況類似，尾市跌得急但全日成交是昨日的一半。照昨日的策略繼續持有。

美股昨日下跌，報導指市場開始對伯南克不會有"好消息"開始有心理準備。如果屬實下星期卻未必要看得太淡。

組合回報下跌1%, 現金59%

2011-08-25

今日於$4.62買回一注東方錶行。

恆指今日反彈升200多點，但成交只有650億。上證指數升近3%, 深圳成指更升3.2%, 兩個指數幾乎有頭升到尾, 強勢非常.

大昌行今早升數個百份點，但下午回跌至只微升。相反長汽初段下跌但中段開始上升，收市升6.5%。成交比昨日下跌時更大。東方錶行今日亦下跌，嘗試小注買入。

聯儲局明日於JacksonHole 開年會，市場可期望會有QE3。但個人卻沒有期望。所以自己預期下星期股市會掉頭向下，甚至明日可能已經提早下跌。現持有的長汽及大昌行都是中線選擇，下跌應該會繼續持有，股價繼續下跌並不會急於買入，因為自己的本金有限，急急買入可能會令自己資金被鎖。長汽如能跌至$9附近可能會逐步加注, 而大昌行近日算強勢, 業績亦對辦, 如大跌實是加注的首選. 其國內代理名貴汽車業務應該尚有不少進步空間, 但希望除賓利外能盡快爭取代理其他名貴汽車, 否則當喪失賓利的獨家代理權是對其業績會有很大的負面影響.

東方錶行如明日下跌可能會先行沽出, 另謀買入機會.

組合回報今日上升0.5%, 現金59%.

2011-08-24

今日再買入長汽，平均價$9.89

美股雖然大升超過300點，但港股並不跟隨，更要跌超過400點收市，成交700多億。

中人壽業績差勁，今日大瀉11%。比亞迪繼昨日大跌後今日再瀉8%。中人壽個人沒有興趣。比亞迪的業績亦令人卻步。其壞消息是否已經盡出亦未可知。市況如此個人暫不會接觸此股。

長汽下午大跌，曾跌近9%，其後在$9.6-$9.8波動。第一注買入價為$9.95，當時見跌穿$10及幅度不小，所以買入一注，但買入時間都仍太早，自己始終未能戒除心急買貨的陋習。收市前於$9.72再小注買入，平均買入價$9.89。

港股不跟外圍自顧自下跌，自己看不通，但熊市莫估底，現在的策略都是小注博反彈，不彈便逃。

組合回報下跌0.2%，現金65%。

2011-08-23

今日無任何操作。

事忙，一切從簡。

恆指初段下跌但高位收市，升近800點但成交縮減至744億。可能在期待伯南克本周五於JacksonHole 會有QE3公佈。

金飾沽除六福外初段下跌但收市都上升，六福更彈10%。可惜昨日沒有撈貨，今日只有觀望份兒。

大昌行今日升超過3%，股價接近買入價，但回落的機會頗大，觀望後再決定下一步。

正通下午停牌涉非常重大收購。未知是否月初傳出收購包頭經銷商的消息。如果屬實，個人並不太期望對股價有很大刺激，始終消息傳出已經一段時間。但一切都要看市場氣氛及條款而定。

2011-08-22

今早$1.7沽出上星期投機買入的卡姆，微損。於$8.9沽出正通，虧損10%，$5沽出東方錶行。另見大昌行今早下跌，於$9.5買入一注，但下午跌勢急劇，選擇於$9.2沽出早買入的股份，不幸下午回升至$9.56，又一次證明自己技術不濟。

恆指今高開近100點，但之後升幅收窄，感覺不大對勁，趁機沽出上星期買入的卡姆。指數掉頭向下，但自己未有對其他持股加以警惕。下午開市後發現二三線股跌幅驚人，大量股票洗倉兼股災式下跌，跌幅動輒10%，早上沽出的卡姆及東方錶行都大跌，後者更曾跌近20%，周生生、六福、英皇等全跌超過10%。但一輪恐慌拋售後恆指掉頭回升，多隻股票都收窄跌幅，但以收市計跌幅依然巨大。

經過今日的地震係持股只剩下大昌行。熊威力真的不能低沽，低殘的股價可以更低殘，以為抵買的將會更超值，但買入後被夾上夾落的機會不低。真心佩服洞人兄的操作，混亂中仍能火中取栗，出入自如。Travers 兄對圖表的解讀亦非常強，真高興能認識多位高水平的網友，他們漸成為自己於股市的良師！

2011-08-19

今日投機性於$1.77買入卡姆。買入指示為競價盤，開市前未能買入，指示至午市開市不久執行。$1.77這價位其實乃昨天收市價的10%。今日中午稍為觸及後便略為向上，可惜收市前市況跟隨歐洲轉差，#712最終收$1.75。 今次買入純投機性質，如股價下跌5-6%便會止蝕。

恆指今日跌600點左右，成交增至800億以上。很多二三線股下跌10%，卡姆，保協，友佳，山水水泥都是例子。除非今晚美股向上，否下星期開市下跌的機會都不會細。

東方錶行早上跌幅有限，最佳市只跌2%左右，但收市要跌近9%。同業英皇跌超過7%。

大昌行表現硬朗，曾升近2%，收市仍然微升，認同洞人兄所講有大戶吸納中，會繼續持有。反觀中升今日大瀉9%，而持有的正通則跌3.2%，但全日走勢呈向上，並不太差。已沽出的長汽亦只跌2%，算得上硬淨。

2011-08-18

今早於競價時段買以$10.1買入大昌行 (1828.hk)。

大昌行的業績似乎頗為市場接受。今早裂口高後一直上升近9%。其他高給汽車代理股如正通及中升就個別發戰，正通最高升至$10.6左右，中升曾升至$14.8。可惜午後全部跟隨大市下跌，中升更倒跌近4%。大昌行升幅大減至5%，收$10.28，未能守注$10.3。慶幸今早能於競價時段買入，但這絕對是一時運氣，並非自己技術到家。有幸能參考洞人兄及各前輩高人的意見才是值得高興的事。

恆指收市倒跌272點，曾跌穿20000點，成交只有722億。大市升轉跌，大升股票相繼回落，市底應該頗差，昨日大升的東方錶行昨日大升後今日跌1.6%。持有的3枝股票雖然仍是正回報但遠未能將組合的回報率提升至正數水平。今年亦很大機會要虧損收場。但投資股票市場就像經營一間公司，市況不就當然會影響營運，但個人的執行，對市場的觀察等都會影響整盤生意，怨天尤人並不能解決問題。

組合回報升1.1%,  現金56%.

2011-08-17 (updated)

今早於$11.5沽出餘下的長汽.

李克強訪港兼送禮, 令早上一眾升幅不大的股票下午都大升. 恆指升200多點, 成交不大. 但中資證券行, 鐘錶珠寶等板塊都有不錯的升勢. 其中東方錶行更一度升超過10%, 收市升8%, 成交量巨. #398 P/E 14倍, 較周生生, 六福等便宜. 同業英皇鐘錶明日8月24日公佈業績. 早前曾發盈喜, P/E 已升至70倍, 太誇張了, 如P/E能降至20倍左右相信吸引力會大增.

正通昨日亦跟隨大市升近3.3%. 大昌行公佈亮麗業績, 雖然受日本海嘯影響但認能交出成績, 明早升幅不大會追入.

組合回報升1.7%, 現金65%

2011-08-16

今日於$11.2沽出一半長汽，於$9.86買入一注#1728正通汽車。

今早港股無視美股大升的消息，早上只高開數十點，之後反覆橫行，收市還要跌48點，成交700多億。

長汽開市升2%，之後一直上衝7%。後市未明，先於於$11.2沽出一半，當股升至$11.4以上便排$11.5準備沽出，怎料$11.48已是今日的高位，未能成功沽出。

早上亦欲趁英皇鐘錶升2%時沽出，但最終亦未能成事。

正通早上大跌，但自己未能把握低位$9.6左右買入，要沽價反彈到$9.8時才後知後覺以市價買入。知己曾數次以市價追入股票，但往績多強差人意，看來要盡量減少運用。

今日港股微跌但部位早前的強股卻被洗倉，東岳公佈業績後瀉10%便是一後市似乎仍危機四伏，近日的升市會否套了不少人入局？短炒者身法不夠快隨時出事，自己便是表表者，要引以為戒。

2011-08-15

上星期五及今天都沒有操作。

上星期美股反彈，帶動港股今日上升，但港股的升幅超過3%，遠超美股上星期五的升幅，更為亞太主要市場之首，但成交只有700億左右，並不及跌市時。

手上現時只持有長汽及東方錶行。兩者早段並不怎樣，但下午升勢加劇，收市升5-7%。但收市價仍較買入價有距離，如再下跌會考慮加注，上升會考慮沽出。

今日開市已裂口高開，暫未物色到合適的股票買入。會觀望今晚美股的形勢再決定下一步。

昨日跟洞人兄略為談及味千。今日
復牌後曾下跌超過8%，但之後跌幅大為收窄至5%，收市仍跌超過7%。雖然個人對味千處理今次添加劑事件手法差勁，但由高位計跌至今日收升價跌幅已近四成，再加上大行唱淡至目標$8，似乎反而可以看高一線。閱股能力如洞人兄亦中長線看好，如股價再下跌，那我真的要認真考慮買入。

2011-08-10

今日沽出友佳，微利。

恆指跟美股反彈，早上升過過600點，但升幅逐步收窄。早上持股有2-3%升幅但之後倒跌。手上的長城汽車及東方錶行升轉跌，長汽跌近2%，東方錶行則仍有1.7%升幅。

恆指雖然升400多點，但成交略縮至820億。一眾早前升勢漂亮的金飾股如周生生，六福，英皇珠寶等全高開低收無力延續跌市是的升勢。

聯邦製藥曾大升近1元，但之後回落，收市仍升超過4%。早前的弱股於弱勢升市反而有亮麗升幅，強股卻掉頭下跌，是簡單的補升/補跌現象嗎？

反彈乏力，後市不容樂觀。現金比重已超過60%。組合回報今日下跌0.5%。

2011-08-09

今日無任何操作。

道指再度下挫630點，恆指開市跌1500點，跌幅超過7%。下午跌幅雖然曾經收至400多點，但尾市再度下跌，收市跌愈1100點，成交增至1168億。歐洲開市現跌3%，今晚美國及歐洲方面又不知道又甚麼負面新聞了。

短短數天恆指已到19300水平，在我來說這已經沒甚麼意義。恐慌情緒漫延，負面消息層出不窮，市場對正面的消息解讀為負面等等，短其內難有起色。但個人反而覺得此般跌勢反能加快汰弱留強的速度，總比溫水煮蛙式下跌痛快。

於此跌浪自己的組合難逃虧損，很大部份持股已止蝕或微利沽出，現在只剩長城汽車，東方錶行及昨日投機買入的友佳。

長汽持續強勢，股價跌不下，想加注亦不成功。東方錶行則大上大落，收市跌超過5%。友佳則逆市升近3.9%，今日更曾超過5%，可惜未能成功沽出，希望明天走勢不會太差。

早前曾稱要留意的天能動力，自己竟然忘記了觀察。此股近日都跟隨大市低開但高收，如今早投機買入可能有不錯的回報。

今日組合跌1.5%左右。現金55%。

2011-08-08

今日有幾項操作：
沽出周生生@$26.7
沽出六福@$
沽出和電@$2.7。平手
買入一注友佳@$4.7

今早見金飾股反彈，伺機沽出。不料下午升幅比今早更巨，又只能怪自己心急及技術未精。鐘錶股亦於下午大升，有見自己過早沽出六福等，心態上博明天回有較有力的反彈，屆時再沽出未遲。

長汽股價於今次跌市相對硬朗，今日尾段更倒升收市。可能如洞人兄所講，要穩住股價於A股上市。如A股上市前再度下跌可能回加注。

今日恆指下午V型反彈，雖然跌幅減半但成交仍近千億，跌455點，後市仍不樂觀。執筆之時歐洲開市掉頭下跌2%，今晚美國市場對評級被下調的反應將回再度影響明日港股走勢。

一輪大跌後大量二三線股非常低殘，如膽識高如洞人兄及偉哥等已經多次出入有所斬獲，但膽小如我輩只能趁高沽出觀望，但手痕下又跟洞人兄買入友佳。反面教材請勿模仿。但友佳今日下跌13%實在又點過份，不過買入時間未能如他人精準，希望不會成為燈神。

紀念日

今日無任何操作。

今日絕對是值得紀念的一天。道瓊斯指數昨晚跌超過500點或4.3%。港股跌幅相若，跌938點。亞太區股市以台灣及印尼跌最大，港股次之。此刻歐洲股市跌幅收窄，明天會否有反彈？如果反彈出現，不排除趁機減持。原因是如果今次股災式下跌是由基金大戶應付贖回潮而起，下跌應該不會只得一天。趁高減持增加現金水平以待反擊。

大盤跌超過4%，但一眾二三線股跌幅更巨。大量股票動輒下跌7-8%，太陽能股保協及卡姆雙雙跌超過10%。鐘錶金飾股六福及周生生跌8-9%，東方錶行跌7%，但英皇珠寶只跌3%左右，感覺頗強勢。長城汽車是持股中跌幅最少的一員，下跌3.6%，走勢算平穩，給我較正面的感覺。

和電跌5.4%，同業數碼通曾收窄不少跌幅但尾段亦跌4.4%。

要特別一提天能動力(819.hk)。昨日下午停牌，國家要求鉛酸電池廠整頓環保而另天能的一些廠房需要暫時停產。此似負面新聞，今早開市更跌超過一成，但之後迅速回升，全日只跌2.7%。如果再下跌回考慮買入.

組合今日大挫近4%. 現金31%

2011-08-04

今日沽出大昌行@$9.83，沽出I.T，並於下午買入東方錶行。

今早金飾股於六福及周生生都高開，但輾轉下跌，兩者皆以全日低位收市，分別跌3.4%及2.6%，明日如繼續下跌會考慮沽出。

長城汽車發A股獲批，但今日一樣要跌2.7%。暫繼續持有。

大昌行今早跌幅已較同業跌得多，中午時跌勢更急，觸及止蝕唯有先行沽出，雖然尾市略為回升但仍跌4%。

I.T 亦以全日低位收市，下跌3.5%。又觸及止蝕，先行沽出。

持股只有和電上升，全日升3.1%，升幅更較數碼通大。

恆指雖然只跌0.5%，但一眾二三線股大跌，相信很多人包括自己在內都覺得非常難玩。上升少下跌多，大家都形容此勢為"溫水煮蛙"。美國經濟可能再衰退，歐洲各國經濟亦非常差，整個市場彌漫悲觀情緒。美債問題所謂暫時解決完全無助提升市場信心。熊市是否已臨？自己不知道，但可能會再增加現金水平。

2011-08-03

今日無任何操作。

美股大跌260點，港股亦未能幸免。恆指跌428點，成交增至818億。美股八連跌，據講道指自80年代以來未試過超過8天，今晚美股會否反彈？相信日子不遠矣。但港股與美股的相關度已大不如前，即使美股反彈但能否帶動港股作相同反應，自己不太樂觀，但尚存一點希望。

組合內的金飾股六福及周生生今日曾升超過3%，但午市回落，幸好六福尚有1.8%升幅，而周生生只升0.5%，果然強者愈強。

長汽跟隨大市跌3.4%，但其實已經在一眾汽車股中跌幅較溫和的一員。

和電下跌1%，跌幅算溫和。但對手數碼通更顯強勢，逆市升1.3%，相信大家都看好他的業績。

I.T下跌2.6%, 大昌行跌2.1%，繼續持有。

組合回報下跌1.24%，現金27%。

2011-08-02

今日於$44買入六福。

美國國會達成共識，免除債危機。之前已經認為係政治秀，今日問題解了，但大市並沒有上升，是要跟美國明日的去向，還是市場根本不認為這是危機，得以解決乃必然之事，美國實際的經濟問題才是重點？自己偏向認同後者。

和電公佈的業績為市場接受，雖然自己覺得一般，但市場大多時候是正确的，自己亦唯有跟隨。今日曾升超過3%，亦帶動數碼通大升，但可惜後勁不繼，突破失敗。暫繼續持有。

珠寶鐘錶股應該是今日比較強的板塊。六福大成升超過3%，尾市略為回lok。希望不是明燈。周生生只升1%，力度欠奉。其他鐘錶股如英皇，東方錶行等都有不錯的升幅。暫繼續持有。

大昌行及I.T 今日縮量下跌，兩者都跌近1.7%左右。長城汽車微升0.7%但成交一般。繼續持有。

組合今日持平

2011-08-01

今日於$6.12沽出友佳，換入大昌行@$10.6。
7/29日於$9.2沽出理文.

美債問題有望解決為今日恆指上升的理由。但尾市升幅收窄，明天大市是否繼續向上，個人不太樂觀。

除友佳外今日持股皆升。長汽擬發A股，資金用於生產研發等用途，似是正面訊號。今日連同其他汽車股上升，升3%.

和電收市後公佈業績，純利升37%。個人覺得此升幅只算可接受，並非特別優異。明日是否繼上升成疑，嚴防見光死。

IT 上星期尾市急挫，心想已於$8接火棒。幸好今日跟隨大市上升2.7%。但今日的走勢並非一帆風順，近尾市曾急跌再V型反彈，希望這並不是一個負面訊號。

周生生今日只升1.5%，但基於早幾日升幅已巨，今日較少的升幅都勉強能接受。

組合回報今日升1%

2011-07-28 (大鑊，可怒也)

今日無任何操作。

恆指再次不跟隨美股，雖然今日基本a
上向下大收市回升。期指結算日是否淡友略為收斂？

組合除周生生大升4.8%及和電微升0.8%外全皆下跌。幸好如此，否則組合回報必然大瀉。

理文集團及理手袋均公佈業績，前者中期純利升超過1倍但曾經大挫6%，收市跌3%。如果跌至止蝕位會暫時沽出，待回穩再買入。

組合的買賣記錄全部存於Editgrid內。一直相安無事，但今日我的spreadsheet 突然因server error 而corrupt 了。雖然記錄尚在但回報之計算全部消失！也不知都要花多少事間才能重造一個新的報表！所以暫時未能計算回報率。

2011-07-27

昨日無任何操作。今日沽出餘下的北控水務，微損，於$12.2加注長城汽車。

沽出北水的原因乃調動手頭資金問題。希望加注長城但彈藥不足，唯有選擇沽出近日相對較弱的北水。將來有很大機會重投。

長汽今早下跌時未能成功買入，之後反覆上升，於午間收市前追入。雖然下午繼續向上但尾段調頭向下。收市只有$12.14。

周生生今日大升4%，其他奢侈品股份有不少上升數個百份點，有點輪流上升格局。

和記電訊上星期突破後買入，今日升2.5%，期待下月初的業績公佈。

理文及聯邦今日下跌，但成交很少，指標作用不大。繼續持有。

組合回報今日升0.5%，現金28%。

201-07-25

今日無任何操作。

恆指今日跌170點，成交只有500多億。高鐵相關股份被狂沽，曾經持有的#1766，及相的南車時代電氣跌14%，其餘鐵路股亦跌6-7%不等。自己一度認為高鐵股會有所作為，但今次"特大事故"後令我覺得中國高鐵背後有太多不為人知的黑幕，現階段個人對高鐵缺乏信心，暫不會涉足。但其他鐵路股或提供相關科技的股份個人認為長線問題不dai，始終鐵路對國家乃必需品，發展時間亦已較長，縱使高鐵發展減速亦未必對其他鐵路股有太大影響。

持股方面，聯邦繼續下跌1.8%，亦係令組合回報降低的原凶。可幸成交稀疏。理文亦跌1.5%，繼續持有。

其餘持股都上升，表現不差。長汽上星期買入一注後發盈喜，大摩亦唱好，但升幅不特別巨大，曾升近3%但收市只升1.3%。跟洞人兄買入並拜讀各位的高見後令我對此股信心提高不少，如下跌會增持。

其餘持股升0.5-1.5%不等，全部繼續持有。

美債危機的一場政治秀到底結局如何未知，但此時的對策為保持一定水平的現金，萬一有黑天鵝事件出現，亦有彈藥反擊。個人對對沖認識不足，否則應該作對沖以平衡持股大跌風險。

組合今日持平, 現金41%

2011-07-22

今日減持一半北控水務@$2.2，微損換入突破之和電@$2.66(0215.hk)。另外全沽重慶機電@$2.34，微利，換入長城汽車@$11.42。又沽出銀基換入周生生@$27.35。

今日所有操作都是為8月的業績高峰期鋪路。重慶機電比較弱，久久未能重上$2.4水平，微利沽出。

北水近期雖然有所動作但上升力度不足。雖仍抱有希望但不想資金被套，所以選擇沽出一半。

銀基於入市前已經累積不少升幅，近日比較淡靜，而自己入市時間太差亦令回報低微，決定換入周生生。其兩者都算奢侈品，但個人較為看好周生生這類零售股。不選擇六福的原因是博周生生累積升幅較細，希望能追落後。

今日一連串操作的即時結果是回報無串進，較恆指今日升幅2%相距甚遠。唯有寄望往後的升幅能夠追落後。

今日回報持平。

2011-07-21

今日無任何操作。

又一公務繁忙的日子，只能間歇地觀市。恆指高開低收跌16點收市，成交只得650億左右。整體上升乏力。

持股方面，北水及友佳跌1.8%左右。北水昨日沽空率超過60%但今日下跌不多，有高手能看穿葫蘆裡賣甚麼藥嗎？如有的話請指教。

銀基及重下跌0.4%左右，但成交不大。暫繼續持有。重近日反覆向下，如果有較像樣的反彈可能會換馬。長城汽車係選擇之一。

組合回報今日大致持平，微跌0.2%，現金33%。

過山車

今日於$6.36買入一注友佳國際(2398.hk)。

恆指不跟隨美股上升近200點嘅氣勢，自行表演過山車上落。午后急跌但尾市上升至早市水平，成交略為增加至600多億。

昨日提及股市應升不升。今日情況持續。組合內之股票初段上升，繼而下跌，然後再回升。收市除友佳外全部上升。

友佳去年曾為各界愛股。但今日落盤卻缺乏承接，買賣差價很大，巴克萊的賣盤一度於$6.45久久不上落，成交稀疏。市場氣芬差卻造就一個買入機會。乏人問津之股票可能會成為眾人熱捧對象。參考洞人兄及其他高手後決定小注買入。

自己仍偏向相信美國債務違約之風險較少。死線臨近可能會係建倉時機。

組合回報今日上升0.5%，現金33%。

2011-07-19

今日無任何操作。

恆指今日過山車上落。上下波幅300點。成交略為增加但只有610億左右。

組合今早及午市開始前仍然大跌，除理文外全部向下。聯邦一度下跌3%，重慶機電亦大跌。

下午事忙無暇觀市。收市後才發現指數調頭上升。理文保持升勢，聯邦跌幅收窄指少於2%，重慶機電由跌4%變成上升近0.9%。

市況陰陽怪氣，該升不升，該跌不跌，自問參不透，唯有減少操作。現時之持股基本上是虧損為主，幅度比較大的大概為5%左右。暫時仍能忍受，但不排除會再減持。

組合回報今日不變，現金44%。

2011-07-18

今日於$9.57-9.58沽出山水水泥。

山水於早上曾跌超過3%，但跌幅很快收窄。估不到下午急跌，當察覺後已跌超過4%。不知道是震倉還是別有因由，先行沽出止賺，微利。

恆指午市下跌，組合內除山水外，聯邦及重慶機電都跌近3%。北水跌2.7%但未詳細研究原因，繼續持有。

其他持股全線下跌，但暫時繼續持。

近日市況沉悶，亦覺危機四伏。美國債務評級如被降低會係災難，但個人覺得機會較低，只係政客們爭取政治本錢嘅手段，始終美債爆煲對政客們未必有利。但8月2日前除非有明確消息確跌美國國會"傾得惦"，否則股市危機仍未能忽視。

組合回報今日下跌1.9%，現金增至44%。

201-07-15

今日於$9.06買入另一注聯邦制藥。

聯邦今早升勢凌厲，但買入後輾轉下跌，午後更跌至$9以下。只怪自己太心急，自己再次驗證早上買入的壞處。幸好聯邦今天還有1.7%升幅，好抵消一下比較差的買入價。

理文繼續上升，個人仍然等候下跌入貨的機會。

山水水泥回調2%，應該係正常的調整，中央限購政策推至二三線成市的影響有待觀察。

北水繼續無升跌，其餘持股都下跌，等無甚特別之處。

組合回報下跌近0.5%，現金30%。

2011-07-14

今日無任何操作。

恆指低開高收，雖然只係微升10多點，但有點跌唔落嘅感覺，成交只係得630億左右。

除銀基跌0.7%及理文無升跌外其餘都升。山水水泥大升4%, 聯邦升2.3%.蔡主席再度增持，另人懷疑業績係咪回咁差。既然自己小注持有，會睇下台戲點做。

重慶機電升1.7%，卡姆升1.3%，繼續持有。另一隻太陽能股保協升超過4%，希望卡姆都會承接升勢。

代理豪華房車嘅幾隻股票例如大昌行，中升及正通都有顯著升幅，但短線都有超買嘅跡象，但認會考慮買入。

去年股王東岳今日一度跌近3%。現階段究竟係突破定爆鑊冇人知，但據各路高人分析，有可能係悶一段時間再突破。有機會會追入。

組合回報升1.1%，現金37%

2011-07-13

今日無任何操作。

整日事忙，無暇觀市。開市市見聯邦再跌3%，但收市大至收服失地，只係微跌0.3%。但暫不急於加注，再觀察一下德銀唱淡嘅反應。

其餘持股全部上升。理文升幅最大，升超過3%，但昨日減持一半後升幅帶來嘅回報大減。

重慶機電升2.2%，山水水泥繼續強勢升近2%，繼續持有。

其他持股都升1-2%左右。今日其實有好多股票有非常顯著嘅升幅，但自己嘅組合就麻麻地。應該都要檢一下現時嘅組合於現市況有冇不足。

組合回報今日升1%，現金37%

熊蹤？

今日於$3.02沽出卡姆，$9.2減持一半理文，及於$8.7買回一注聯邦制藥。

港股今日大瀉近700點，跌幅超過3%，應該係亞太之最。成交亦升至800億。

組合中卡姆跌6.8%，重機跌6.5%，銀基跌3.7%，北水跌3.5%。理文跌1.3%算係硬淨，但山水水泥無升跌已經係組合內表現最好一員。

今日嘅大瀉主因又指向歐債危機下一個爆煲國家係意大利。但意大利嘅經濟規模係歐豬中最大(或第二，待確認)，斷估歐盟唔回俾佢死，會唔會係大戶空軍嘅藉口呢？如果意大利真係出事咁就真係大鑊。

近期都應該要保留足夠現金，待短期跌勢完結時有彈弱反攻。買入聯邦主要係覺得佢跌得太過份，3日內跌到年多前嘅低位。雖然於咁嘅市係有機會再跌，如果佢跌低過$8我會考慮大注買入。

組合回報今日跌3.2%，現金37%

2011-07-11

今日冇任何操作。

公事上被激親，冇乜心機寫野，長話短說。

上星期沽出嘅聯邦制藥再大成交瀉5%。唔知係乜事，但空月來風未必無因。如果聽日止瀉回考慮買一注。但如果再跌可能要落到近$9，不過吸引力就更大了。

理文及卡姆跌1.4%及1.8%，繼續持有。銀基微升0.2%，其他持股無升跌。

組合回報下跌0.2%, 現金32%

2011-07-08

今日沽出聯邦制藥。

聯邦制藥繼尋日大跌5%後今日再跌超過7%，成交巨大，排隊沽貨嘅都係大行如JPMorgan，高盛等等。之前設下嘅止蝕位被觸及沽出。但上月中董事門真金白銀地入貨呢個利好消息對股價完全無作用。希望佢喘定後能再有買入嘅機會。

卡姆丹克今日都挫3.5%，山水水泥跌2.1%，理文跌1.6%，全部暫時繼續持有。

其餘持股暫繼續持有。組合回報下跌1.2%, 現金32％

無力

今日無任何操作。

恆指今日升升後回，只係微升20點。持股升跌參半。理文集團昨嘅大成交突破後今日無再上，倒跌2.4%。繼續持有觀察。

大摩調低幾隻藥股嘅目標價，聯邦制藥係其一隻。目標價係$15，評級係增持，但係聯邦今日大瀉5%。其餘幾隻被調低目標價嘅藥股都冇佢咁弱，唔知發生乜事。幸好呢兩日未加注，睇定啲再決定點做。

卡姆丹克，山水水泥及銀基都升1%左右。繼續持有。

重慶機電繼續下跌，睇個勢要再跌多啲，始終之前升升得太急。

組合今日下跌0.6%, 現金23%

2011-07-05

今日於$10.08買入多一注理文集團。

理文今日發盈喜，股價即刻飆升，考慮左一陣決定追入，希望可以升多啲。但暫時未得閒研究份盈喜有冇特別野題及，返屋企再睇睇。

北控水務繼取得大馬嘅工程合約後，今日又宣佈用2億幾港元買入系內深圳嘅水務公司。我唔知呢件究竟係好事定壞事，但市場嘅反應真係麻麻，今日曾跌超過4%，收市都要跌3.8%。如果再下跌先再決定會唔會加注。

銀基破頂再升超過2%，但短線已經超買，暫不加注，小心為上。

重慶機電微升0.8%，繼續持有。

其餘持股上落不大，繼續持有。

組合回報下跌0.5%，現金22%

2011-07-05

今日有幾項操作：重新於$9.63買入理文集團，於$8.63沽出華晨並於$9.4加注山水水泥。另外亦於8.39買入一注銀基。

今日恆指微跌約20點，成交縮至近600億，股票升跌比例大概係1:1。大盤比較悶，但今日輪到二三線股有唔錯嘅升幅。太陽能股卡姆及保協分別升7%同超過4%。卡姆嘅成交更加係昨日嘅3倍左右，好可惜當我知道呢個消息時經已收市，未能追入。

山水水泥繼續強勢，今日續升超過6%。今早追入後仍有不俗嘅升幅。不得不佩服CUP SIR 及一眾高手門嘅眼光。

北控水務成功取得馬來西亞嘅一份工程合約。雖然金額只係20幾億，但市場似乎頗為受落，今日再升3%。如果升勢持續回考慮追入。

今日組回報成2%，現金仍有31%,回適時加注。

2011-07-04

今日冇任何操作。

恆指今日升372點，成交增加至近800億。除藍籌外今朝一開市時一眾二三線股都有顯著升幅。組合及觀察明單內嘅股票好多都有2-3%嘅升幅，但之後好似有點力不從心，有啲仲要掉頭向下。

重慶機電係一例，開市曾經升至$2.56但收市前曾倒跌，收市平收。三水水泥亦有類似情況，但佢收市前抽返上，仍然升2.2%

組合內升幅最大係北控水務，升5.6%，可惜成交唔配合，會繼續觀察。

卡姆丹克亦升超過2%, 今日嘅升勢補償早前嘅跌幅，暫不急於加注，睇定啲先。

聯邦制藥今日曾經升至$11.9，可惜後勁不繼，收只係升1%。大C話醫藥股唔係市場焦點叫讀者換馬，咁我真係要積極考慮加注。冇人關注嘅股票先係最需要留意。

組合回報今日升1.47%

華晨突破?!

居然睇錯華晨突破既成交量, 以為大突破, 點知原來只係比平時略大, 希望下星期唔會表現太差....必要時會以cut loss 黎懲罰自己

2011-06-30

今日於$3.14減持一半卡姆丹克, 於$9.65沽出一拖及$7.8利邦. 另外於$8.73追入一注華晨.

希臘國會通過緊縮開支法案, 兼基金季結, 唔排除推高個市粉飾櫥窗. 所以趁高沽出利邦止蝕及減持卡姆.

華晨似係突破cup with handle型態, 今日成交非常大, 所以冒險高追.


組合回報今日升1.3%, 現金46%,

2011-06-29

今日無任何操作。

恆指今日由升變冇升跌，成交610億左右，股票升跌比大概係1.2:1。可能大圍都觀望希臘國會會唔會通過緊縮經濟方案。通過的話本來係好事，但當地市民應該會有強烈反應，希望唔會有負面影響。

組合方面今日升跌各半。昨日買入嘅聯邦制藥同山水水泥都上升。聯邦更加升近5%。山水及一拖升近1.3%及1.6%。重慶機電升超過2%。全部繼續持有。聯邦升勢如果確認會選擇換馬加注，卡姆丹克係減持嘅對象。

卡姆近期TA 比較弱，短線認為有向下嘅趨勢。明日如果弱勢持續會減磅加注落聯邦。

利邦及北水跌0.5-1%，暫時繼續觀望。

組合回報今日升0.75%。

2011-06-28

今日沽出餘下的華潤水泥, 跟cup sir 換入較強勢既山水水泥(0691.hk), 買入價$8.66.  另外於$10.94買入一注聯邦制藥.

山水水泥主力供應俾北方市場, 例如山東遼寧等. 如果華潤水泥係華南水泥龍頭, 咁山水都應該算係北方龍頭. 踏入夏季南方多雨, 理論上不利水泥施工, 呢方面北方就唔會有乜影響.

聯邦制藥以前曾經買入, 近日董時密密爭持似乎睇好前境, 所以今日都高追. 但收市是回落到$10.86, 希望唔係咁快燈左.

一拖今日再跌2%但成交量不大, 繼續持有.

國資委宣布，國家開發投資公司計劃投資600億元人民幣，在2020年的10年間在新疆地區興建能源項目, 呢個消息反而令太陽能股下跌. 保協都跌2.7%, 卡姆丹克跌4%, 暫繼續持有.

重慶機電繼續向上, 今日升近1.8%, 成交配合, 想加注但佢佔組合既比重比較大, 睇情況再決定.

北控水務回升3.4%, 市場對佢發人債既反應睇黎算正面. TA 方面MACD開始展現熊牛訊號, 希望走勢可以持續.

利邦反彈3%,  MACD亦展現熊牛訊號, 暫繼續持有.

組合回報計算開始將現金亦包括在內. 回報今日上升0.8%, 現金33%

2011-06-27

今日於$9.7買入一注第一拖拉機(0038.hk)。

恆指今日先跌後回升但最終都跌130點，成縮減至670億左右。持股有升有跌，華潤水泥繼續強勢，升近2.5%。卡姆丹克升近1.3%，但升幅唔及保利協鑫。
一拖今日嘅入貨價幾乎係全日嘅最高位，希望唔好又做燈啦。

理文，重機， 北水今日都平收，成交亦比較細，繼續持有。但北水跌穿支持位後走勢麻麻，近期好似有股東大會， 睇下會唔會有好消息。

中國南車又大跌超過4%,暫時未知乜事，返屋企再睇下做乜。

利邦繼續無力上升，尾市更由升轉跌超過2.5%，可能要止蝕離場。

組合部回報今日微升0.2%

2011-06-23

今日於競價時段以$7.25沽出中國南車，蝕7%。沽出唔係因為評級被降，而家呢個階段仍然應彈唔彈，所以略為增持現金。

今日港股跟美股跌，但居然唔跟A股升。持倉股票居然有一半係上升，算係還得神落。

卡姆丹克及重慶機電繼續上升。兩者都升超過2.5%。重機嘅成交亦都配合上升，開始脫離危險期。華潤水升1.8%，成交與昨日相若，繼續持有。

利邦同理都跌超過1.5%，但成交都好細，會繼續觀望。

而家恆指每日成交都係偏低，升勢又唔全面。自己雖然唔信牛市已玩完，但穩陣起見都係keep 多少少現金。

組合今日微跌0.3%

2011-06-22

今日無任何操作。

大盤今日先升升後倒跌， 收市只係微升9點，成交又再縮到630億左右。睇黎升勢都係未確認。

理文及利邦今日大升3.5%以上。理文成交量好細，暫不會買回。反而利邦成交量唔錯，希望回持續反彈，但唔會加注。

卡姆丹克亦升3%但成交細，繼續觀察。

北控水務重返$2水平，但個人認為技術上仍然未脫離危險期。FA 方面參考各blogger 嘅意見，都唔肯定佢係咪缺水，如果係真嘅話都幾大鑊。

中國南車被大行調低評級至中性，連續兩日下跌。但大行評級嘅可信性有幾高大家心照，暫時唔會理會呢個所謂嘅負面消息。

組合回報率今日升1.4% 但遲下要重新調整回報率嘅計算方法，回報率將會有所不同。

2011-06-21

今日於$6.76沽出一半華潤水泥, 及於$2.54全沽三江化工 - 勁蝕離場.



手上既三江一直被洗, 自己一直期望有似樣既反彈, 好可惜無出現!!! 愈跌愈深, 無奈放棄持有, 但為時已晚, 此股勁蝕超過20%, 絕對係今年既反面教材.



恆指今日升251點, 成交略增至近700億, 自己認為略嫌不足. 升跌比大概係2:1. 個人持股及監察明單中好多都有幾個%既升幅. 華潤水泥及北控水務都反彈超過3%. 重慶機電升近2.5%, 上返$2.1水平, 全部繼續持有。


中國南車下跌近2.8%，但其實冇乜負面消息影響，暫繼續持有。

上星期止蝕嘅理文今日反彈近4%，但除非大市確定上升，否則佢應該回再跌，暫唔急於買wui。

組合回報今日因為沽出三江後持股總值大減，基數細咗所以跌幅擴大，跌3%。

話時話，自己都唔清楚組合回報應該點計……應該用年總回報除持貨總額， 定係用年總回報除初嘅起始資金呢？！自己嘅投資戶口同現今戶口係一個綜合理財戶口，買股票直接於cash a/c 買賣，其實冇記錄現今嘅加減，所以自己嘅倉位回報都係用總回報除持貨總額。但始終覺得條數唔多妥。

2011-06-20

今冇任何操作。上星期五於$9.1沽出理文集團止蝕。

大市今日先升後跌， 收市跌近100點，成交稍為縮減至658億。股票升跌大概係3.5:8, 比上升期略好，但觀察明單內好多股票都下跌。

三江化工及利邦升2.8-2.9%, 手上其他持股都下跌。華潤水泥跌3%, 理文集團更下跌近4%, 強勢多時終難逃俾洗嘅命運。照計應該會繼續向下，暫時都唔急於撈底。

重慶機電冇上落，北控水務下跌1.5%,中國南車跌1%。暫時冇乜特別。

近來跌得咁緊要，暫時冇乜買賣概念。組合回報今日跌0.9%

2011-06-16

昨日同今日都無任何操作.

今日又再大插, 恆指跌近400點, 成交增加到767億. 驚大笨象被拆骨都應該唔係主因, 經濟數據唔多妥先係向下炒既原因.

組合今日又再度重挫, 除重慶機電上升及華潤水泥無升跌外, 其他全面下跌.

三江化工跌2%, 係跌得最少既一員. 中國南車復牌後昨日升超過3%, 但今日再度跌番去停牌前既位.

卡姆丹克及理文跌分別下跌4%及4.2%, 利邦跌4.7%. 最慘烈既北控水務下挫近6%, 如果$2.05頂唔住何能要試一試$1.8.

組合今日重挫2.5%

2011-06-14

今日於$2.16買入另一注重慶機電。

恆指今日上午先跌後反彈，但下午又傳來國內加存款準備金率嘅消息，指數又回跌。早上組合內嘅股全線上升， 但大部份都跟隨大市回落。

重慶機電買入後下跌近1%。希望我唔係追得太急。

卡姆丹克下跌近2%。成交唔係太
大，暫繼續持有。

華潤水泥今早升超過3%, 下午無跟跌，走勢唔差，暫繼續持有。

利邦微升0.5%, 會視乎情況沽出止蝕換馬。

理文初段微升但尾市急跌近1.4%, 暫繼續持有。

所餘下嘅三江化工尚未止蝕，會趁有較似樣嘅反彈是沽出。

中國南車昨日開始停牌，涉A 股增發新股。復牌多數無運行！不國亦可能係加注嘅好時機。

組合回報今日升1%

反彈 (2011-06-13)

今日無任何操作。

恆指今早仍然下跌百幾點，大量股票繼續大插，持股有啲跌5%。但午後急速反，收市更倒升數十點。

卡姆丹克曾大跌幾個%但之後倒升3%。理文集團開市後已經逆市上升， 收市升2%。兩者都繼續持有。

北控水務下跌超過3%, 失收$2.3嘅支持位,成交略大， 會密切觀察。

重慶機電曾大跌至近$2水平，亦系我上編博文所提及嘅位。但估唔到一開市即刻到！ 好彩下午跌覆收窄好多，跌唔夠1%.

華潤水泥亦係大跌收窄至小跌。本來有止蝕嘅諗法，但暫市會繼續持有。

今日嘅反彈， 大市成交只係600幾憶，力度不足。個人提黎跌市未必完結，希望唔係事實。會睇定少少先，以免俾人左一巴右一巴。

組合今日下跌0.8%

7連跌 (2011-06-10)

今日冇任何操作。

恆指7連跌至22420, 成交略為縮減至700億。期指低水140點，下升期都可能冇運行。

持股下跌幅度介乎1-2%。重慶機電繼續下跌至$2.14水平。走勢頗差，成交亦比較大, 可能要試下$2.05。下星期如果真係繼續跌都唔急於加注。

中國南車下跌2.3%, 理文集團跌至$10下, 但成交量普通. 卡姆丹克跌1.9%至$2.98, 剛剛跌穿第二注既買入價.

三江化工跌及華潤水泥都下跌1.1%, 有幸反彈既話會先行沽出止損.

北控水務及利邦逆市上升, 但成交量唔夠, 暫時無乜期望.

組合回報繼續下跌, 今日跌1.04%.

何時見底

今日於$3加多一注卡姆丹克。

美股六連跌，港股照跟。今日曾跌200多點，但下午V 型反彈，收市只係跌50幾點。

大量股票今日繼續大插。加注卡姆丹克係覺得呢個價嘅值博率比較高，亦為自己於$3.6入嘅第一注溝淡！大家千祈咪學。

昨日沽出嘅保利協鑫今日繼續大跌至$3.4水平，都唔知幾時先跌完。

持股除重慶機電大跌至$2.2外，其餘跌幅有限。大部份都係跌少於1%。

跌左咁耐，好多網友都身家大縮水。我亦都唔例外。每日都會諗下究竟跌完未，到底未？其實而家都唔諗呢個問題，美國經濟增長放慢已經係事實，但市場究竟仲要幾多時間先可以消化呢個消息呢？我都好想知。係咪須要終極一跌震走大量散戶先收手？！而家可以做嘅睇黎都係保留多啲現金，以防熊市真係來臨。但自己暫時未咁悲觀。

組回今日回報跌0.6%. 

大插

今日於$3.85沽出餘下嘅保利協鑫，止蝕離場， 虧累超過15%。

恆指今日跌200點左右， 但成份股外大量股票下跌。升跌比例大概1:3。無論手上持貨或監察明單都差唔多全線下跌。持貨方面理文集團及中國南車上升近1%，其餘嘅就真係乏善足陳。

大量股票午市後跌幅擴大。卡姆丹克大跌4%至$3.2以下。如果再下跌至$3.1下會加注。

重慶機電跌至$2.3。個人認為呢個價應該會有支持，如果跌唔穿回加一注。

北控水務亦跌穿$2.3，會觀察係真跌穿或假跌穿，再參考幾位專家嘅意見先決定會唔會加注。

三江化工再跌超過2%，暫時繼續持有。

華潤水泥亦失去多日強勢跟隨大市下跌，收市跌2%。如果情況唔樂觀回盡早止蝕。

近日美股五連跌，個市去向好似唔係太樂觀。策略仍然係保持一定現金，小注入市，避免睇錯方向做成大損失。密切留意一啲監察中嘅好股，逐步加注。手續費雖然相對昂貴但亦比較保險。

組合回報今日再次下跌近2.7%。又四月尾開始嘅大跌浪真係令人心痛，但亦係汲取經驗嘅好時機。

2011-06-07

今早於$10.12小注買入理文集團.

下午見yfchan sir 提出對理文除淨後繼續上升既疑慮. 其實理文今早開市係$9.9, 但係好快已經上反$10樓上. 已市盈率計18.5倍既化工股真係唔平, 但技術上佢又唔係急升個款,自去年12月開始係慢慢沿住條50天線向上. 暫時都係繼續持有, 始終放完大升既自己都試過好多次, 唔希望今次又係咁, 會以注碼同止蝕控制風險.

中國南車升3%, 係組合內表現最好既一員. 保利協鑫同三江化工續跌超過2%, 保利協鑫如果反彈到$4會全沽.

利豐被調低目標價連利邦都要涯沽, 收市跌近3%, 暫時繼續持有.

重慶機電及北控水務都跌0.8%, 繼續持有

卡姆丹克跌近1.5%, 如繼續下跌至$3水平會加注.

組合回報今日微跌0.4%.

2011-06-03

今日冇任何操作。

恆指今日再下跌，睇黎短線都唔係咁樂觀。暫時唔太急於加注。

卡姆丹克曾跌超過4%，但又極速回升。再觀察一下先。保利協鑫回升，但力度唔夠，仍然觀望。

重慶機電曾下跌近3%，但收市升返上$2.4水平，亦即係我嘅入市價。下星期睇定少少確認佢唔係跌穿呢個支持位就考慮加注。

理文繼續上升多1%至$10.7, 究竟追唔追入好呢?!

今日組合回報下跌0.46%

2011-06-02

昨日於$3.6買入一注卡姆丹克. 今日於$2.35加注北控水務.

美股受經濟數據欠佳拖累, 昨晚大跌270點, 另今日港股都冇運行. 之前恆指升500點差唔多完全回補. 幸好今日成交只有大概630億, 沽壓唔係太重. 但股票升跌比大概係2:7, 都算係幾廣泛.

保利協鑫真係唔掂, 之前反彈既升幅幾乎完全蒸發, 今日挫7.5%, 似乎逢反彈減持先係正路!

卡姆丹克跌超過4%, 中國南車跌3.3%. 利邦跌1.3%. 一直希望買回既理文真係跌唔落, 今日逆市升2%, 真係有d後悔$10.1左右冇買入.

今日本來希望於$2.4加注重慶機電, 但最終未能買入.

近日買入既重慶機電, 中國南車, 卡姆丹克及利邦都係小注, 盡量於波動既市況下以注碼控制風險. 同意各位高人既意見認為北控水務於$2.3風險有限, 呢個係加注既主要原因.

今日組合回報下跌2.7%

失憶

今日於$7.8買入一注中國南車。

今日喺網上銀行set 買盤嘅時候發現自己原來喺5月18日買入少量利邦，但自己完全冇印象！到今日發現嘅時候佢已經經歷咗早排嘅洗倉潮。雖然佢今日升番上$7.7,但都較我嘅買入價跌咗7%。會觀察多兩日再決定佢嘅去留。

恆指今日終於突破，以900億大成交升近500點，好多之前俾洗倉嘅股票都又像樣嘅反彈。保利協鑫大成交升至$4.1，可能係開始走出深切治療部嘅開始。三江化工大升6%。自己一度想於$3入市嘅卡姆丹克大近10%，會考慮聽日追入。

理文今日先升後跌，曾跌至$10.04但有V 型反彈上$10.2。如果明日繼續下跌會考慮買入。

北控水務升2%, 成交一般，繼續觀察幾時加注。

重慶機電今日上落好細， 可能要悶一段時間。如果佢跌至$2.5樓下會考慮加注。

今日組合回報升1.4%

2011-05-30

今日及上星期五都無操作。

恆指微升, 成交繼續縮減至500億左右。但觀察名單上同自己嘅持普遍上升，幅度亦唔細。

重慶機電今日升超過3.6%，但北控水務連升多日後今日稍為下跌0.5%。兩者都繼續持有。

理文大升3.5%至$10.3以上。近日嘅成交雖細但亦有向上嘅跡象。希望佢回到$10水平先入貨。

太陽能股方面，保利協鑫反彈超過4.7%但仍然冇力上$4,暫時繼續持有。卡姆丹克只係升1.5%，會再睇定啲，希望$3左右入貨。

百貨股上星期被洗後今日反彈，銀泰更挑戰高位。雖然早前避險沽出，現價更高過沽出價一截，又係因為自己學藝未精，冇得怨。

華潤水泥持有至今，又從洗倉潮中回復過來，而家又微利，繼續持有。

組合回報今日升1.4%

2011-05-26

今日冇任何操作。

港股今日跟美國上升，但成交仍然少於600億。好多股票都有反彈，密切觀察中嘅理文今日再上1%左右，成交雖然較上日略大但個人仍然不足，暫不急於買入。

太陽能股沽壓未清，單晶硅龍頭之一嘅卡姆丹克仍然下跌，而家去都$3水平。有報導認為歐洲方面嘅太陽能政策將會利好接近用戶端嘅公司，我自己會睇定少少。而我亦冇研究卡姆丹克嘅產品喺國外嘅普及程度，所以暫時唔會大舉買入。但技術上佢已經跌咗好doh，$3樓下係一個幾吸引嘅水平。將會小注買入。

大笨象匯豐今日上返$80, 但經同事提醒，日線圖上原來營造緊頭肩頂。如果頭肩頂成立，都會有一定幅度嘅下跌，亦可能影響成個市嘅氣芬。所以都係睇定啲，唔好急於入市。

組合回報今日微跌0.2%。

2011-05-25

今日無任何操作。

保利協鑫升少少跌多多， 都唔知想跌到幾時。今日又再大插6%，睇黎都要為手上剩餘嘅貨黎一個了斷。

三江化工都不遑多讓，今日都跌超過3%。

太陽能股除保利協鑫外，卡姆丹克繼續俾洗， 今日再跌6%。可能仲未到底，唔好心急撈底住。

理文今日冇跌穿50天線，今日上返$9.7, 但成交非常細，再觀察下先決定幾時買入。可能佢要橫行多幾日。

重慶機電今日升1.6%，成交略少, 持股冇增減。

組合回報下跌2%。

posted from Bloggeroid

心態嘅轉變

自從上星期沽出7-8成嘅持貨後，無乜貨在手嘅心態同滿手股票嘅時候係有啲分別。呢幾日睇番各位cup sir 等高手嘅操作，發覺自己根本控制唔到滿手嘅貨。心態上同技術上都去唔到嗰種水平， 時間上因為要工作關係，亦唔能夠全副心機睇市。當個市有乜風吹草動時難免要跟其他人嘅操作而缺少咗自己嘅判斷。

而家持貨大幅減少，持有嘅暫時會俾佢地自由發展。回籠嘅資今而家開始慢慢入貨。而家仍然會留意cup sir 嘅blog 入面嘅股票， 亦會花多啲時間去睇下其他專業blogger 對股票嘅專業評論，再慢慢決定自己是否跟進。加上早前持有但暫時沽出嘅心水，未來嘅持貨大概會限制於5-6隻左右。

個人操作方面，今日於$2.41小注買回重慶機電， 及於$2.25小注買入北控水務(0371.HK)。

美股昨晚雖然下跌百幾點但香港並無跟跌，可能係之前嗰日個市已經跌早過美市。

保利協鑫升4.2%, 華潤水泥都反彈超過3.7%。三江化工尾市升超過2.6%。全部繼續持有，暫亦未有加注嘅諗法。

今日繼續觀察理文集團。早段跌1%左右，但下午跌幅擴大至超過2.5%，輕微穿咗50天線。個人認為50天線對理文幾重要， 佢有頗長時間係源50天線向上而甚少跌穿。如果今次跌穿咗我會期望佢跌至$9.4。會繼續密切留意。

組合回報上升3%，但仍然下跌7%。

posted from Bloggeroid

2011-05-23

今日恆指大瀉超過480點，成交只有600幾億。股票升跌比大概1:10,跌勢廣泛，個人感覺仲有得跌。

早前遭洗倉嘅保利協鑫上星期五反彈3%後今日又跌7%。強勢股東岳洗倉未完，報章唱淡後再跌10%。太陽能股卡姆丹克跌6.7%。個人觀察嘅股票只有內需股如銀泰，利邦上升。華潤水泥今日都上升但似係反彈居多。

上星期沽出套利嘅重慶機電今日繼續跌至$2.4水平， 開始重返之前嘅買入價，會於$2.4開始收集。

理文今日跌1%至$9.9。會繼續觀察係咪繼續下跌先再決定會否再次買入。

三江化工跌超過2%, 仍然未有反彈，動力非常弱。

聯塑繼上星期大插11%後今日反彈2%，但好可能未跌完，睇定啲先決定會否買入。

連日下跌難免令人覺得熊市嘅來臨，等個人偏向認為係一次比較深嘅調整， 但未有完整上升勢頭時入市都係以保險穩陣為重。

組合回報因手上既三江及保利協鑫繼續下跌, 再跌2.5%

止血

今日相信係好多追blog 人嘅記念日，好多曾經強勢嘅股票都被洗倉。聯塑被調低評級後單日大瀉11%。東岳跌6%，三江化工繼續下跌3%，華潤水泥曾跌超過3%最終跌約2%。銀泰跌3%。但涯沽多日嘅保利協鑫喺高盛，野村等3間大行同時唱好下反彈超果4%。

眼見大量中資股被輪流洗倉，雖然自己反應太慢，但因為自己組合內嘅股票大都受影響，無奈要大幅減榜。趁反彈今早於$4.25沽出一半保利協鑫，另一半暫時持有，再觀察反彈力度如何。

於$2.5沽出重慶機電，微利。
於$10.06沽出理文集團。獲利大概12-13%。雖然佢一直位於上升軌，亦唔係中資股，但現在風頭火勢，而佢亦都好似想向下嘅感覺，都係套利為上。

此外亦於$12.8沽出銀泰百貨，獲利7%

而家仍然持有少量三江化工， 保利協鑫及華潤水泥。近乎清倉。

組合回報繼續下跌至-9%。雖然係好差， 但現金多咗， 心理上反而唔會咁用容易俾個市影響，可以客觀啲觀察個市！今日沽出嘅股尤其係理文都係好股，當時機適當回再次上車。

大出血

今日於$2.85 沽出一半三江化工止血。

保利協鑫今日重挫10%!!! 無錯係10%。做左死牛所以仍然持有。呢一刻心情好矛盾，沽出就無左一大舊錢， 持有唔放又唔知跌到幾時先肯停。學英哥話齋，咁嘅市多做多錯， 一係以快打快用期權， 一係以慢打快放响到唔理幾個月。基本上係選擇咗後者。但要放低完全唔理其實好難！

有時又會諗點計唔止蝕！自己一向用7%止蝕， 今次跟大隊睇好呢隻股票本來冇問題， 問題係自己入市嘅時間一定冇cup sir 或其他大戶咁靚。當佢已經有一定升幅時先跟入，其實值博率已經降低， 風險亦相對提高。其他高手們去到呢個階段止蝕或止賺都一定會比我而家嘅情況好。 雖然而家仍然係帳面上嘅損失，但心態上我已經當佢係realised loss.

組合內其餘嘅股票只有理文上升3%同銀泰微升0.15%, 其餘全部下跌。

組合回報今日下跌2.5%。又變成負回報。

曙光初現 + 肉酸操作II

今日早段見東岳跌得好急， 恐怕有類持保利協鑫同三江化工嘅沽壓出現，急忙將早兩日買入嘅貨沽出。點自之後V型反彈倒升2%收市，更高於我之前嘅買入位！只怪自己太心急，太心急買入又太心急沽出， 兩頭唔到岸!果係多做多錯。自己水平唔夠，要深刻反省！!

恆指今日終於收23000樓上，但成交仍然只係得600億左右。保利協鑫初段上升但近中午開始倒跌， 收市跌超過2%，成交頗大， 睇黎仲又得跌。

三江今日比較平穩，跌 0.7%, 但仍未走出深切治療。

銀泰繼續強勢， 大股東配股後連升兩日， 今日再成超過4%

理文繼續上升1.6%但成交量比較細， 繼續持有。

華潤水泥微跌0.1%, 成交縮減. 重慶機電升近0.8%, 繼續持有

受肉酸操作拖累，回報只係微升0.7%

驚濤駭浪第二日 (2011-05-17)

今日於$8.7小注買入東岳 (0189.hk)

又係驚濤駭浪嘅一日。保利協鑫回穩左一日又再次被狂沽。今日大成交跌近8%。但暫時唔會放住，始終响咁波動嘅時間真係多做多錯，驚自己把持唔住放完又買， 買完又跌，所以都係睇定啲。好次三江化工尋日跌 7%今日都喘定。抱同樣心態希望會早日回穩。

銀泰百貨昨日大股東配股大跌後今日反彈超過3%, 成交亦配合， 仍然持有。

華潤水泥亦有反彈，升1.8%.

三江化工喘定微升0.3%，但成交細， 唔排除回繼續下跌。

重慶機電昨日大跌後今日冇上落, 暫時冇野做.

理文落實分拆手袋業務，但股價略為下跌0.1%。分拆手袋業務應該利好理文股價。近日風高浪急理文都下跌不大， 睇下有冇機會添食。

組合回報今日下跌近0.9%, 亦變成負回報..真係要少少時間去接受呢個現實.

驚濤駭浪的一日 (2011-05-16)

恆指今日跌316點, 1.3%, 股票升跌比例大概1:3, 成交唔夠600億. 但好多之前勢頭好好既二三線股大大力下跌. 個人組合內既股票全部向下, 除理文集團微跌0.1%外, 其他股票下跌幅度很驚人. 但今日無任何操作, 暫時做左死牛!

理文集團今日曾經是組合內唯一上升既股票, 但收市都要微跌0.1%, 但暫無損向上趨勢.

銀泰百貨有股東於配售8000萬股股份, 股價下跌4.7%, 成交量有成1億股. 如果扣除配股數量成交大概係2000萬, 比平日既成交只係略大, 希望佢好快可以回穩.

重慶機電下跌4.7%, 華潤水泥跌3.3%, 成交量不大但係技術上兩股都似係開始向下, 要加倍留意

保利協鑫今早開市係上升但之後不段向下, 最終又跌4.5%, 成交一般.雖然有雙頂危險, 上星期又做左d好肉酸既操作, 會再觀察係咪要減持.

全日表現最差既係三江化工, 下跌7%!!!!!! 理論上已經超過我既止蝕位, 應該要斬纜, 但大家都似乎想睇定啲，咁我都跟大圍，但其實自己都驚驚地， 始終自己嘅買入價未必有其他師兄咁靚， 當人地係賺少啲嘅時候我已經係虧損中， 雖然只係帳面上嘅事，但心理壓力唔細，所以都幾掙扎！！

組合今日大挫超過4%，回報接近零， 係非常痛嘅一日！

posted from Bloggeroid

肉酸的操作 (2011-05-13)

5月12日保利協鑫大跌4.6%後昨日繼續下跌, 一度跌至$5樓下, 朝早見唔對路所以係$5.12減持一半. 不過其實當時都驚自己做錯決定。 午市開始後佢真係掉頭回升， 心諗3800應該係一隻優質股，冇理由咁樣放走佢，所以樣衰啲都要喺＄5。35再買入。收市只係微跌0。4％。中間蝕咗咁多價位同兩次手續費，諗番都覺得 真係多鬼餘，只怪自己定力吾夠先被震出。應該好似英哥話齋，要沉着應戰唔好自亂陣腳。好明顯自己EQ唔夠，今次嘅操作 真係要引以為戒！！

恆指尋日大上大落，波幅超過400點，心血少啲都唔掂！好多股票都跟住個市上落， 除3800外，三江化工尋日都曾經大跌超過5％，曾經跌至＄3樓下，埋單跌2。2％。成交比較大，沽壓可能未完。但基本因素冇變暫時會繼續持有。

華潤水泥亦曾經跌2。5％但又回升，收市只係跌唔夠0。7％，成交亦細，繼續持有。

其他持股就上升。銀泰百貨升超過1。7％但成交薄弱。理文曾經升番上＄10水平但收市前回番好多，只係升0。3％，成交亦唔顯著。但個人認為技術上理文處於援慢上升。

重慶機電全日橫行，成交量普通，整體黎講都係橫行整固。

組合經歷咗非常肉酸嘅一日，回報下跌0。9％。

2011-05-12

今日無任何操作。

下午公司要上"反貪腐"堂， 3小時嘅課堂令我差唔多整個下午市都睇唔到，上完堂都已經收市。就係因為咁所以令我錯失止賺保利協鑫嘅機會！保利協鑫今日大插4.6%，成交亦唔細，有網友覺得可能營造緊雙頂，所以先走為敬。佢今日公佈季度業績, 首季多晶硅產量升90% 均價升24%. 照計唔算係壞消息, 但見光死經常發生. 另外因為個人覺得沽壓唔細，如果收市前見到咁嘅情況我應該會減持保住利潤。而家唯有睇聽日環境再決定。

其他持保除理文微升0.5%外其他全部下跌。重慶機電及華潤水都跌超過2.5% 。但成交量細, 應該係跟大圍調整居多. 其餘嘅跌0.2%-1%不等。銀泰繼昨日尾市大插今日有回穩嘅跡象.

恆指今日跌210點左右， 成交縮至600幾億。睇黎市場氣芬真係麻麻。大笨象季度業績又唔係咁靚， 可能暫時都係冇運行。如果個市有機會調整至22800附近， 我會選擇沽出部分股票保利。

組合今日下跌1.6%

2011-05-11

今日無任何操作。

三江化工今日大跌超過5%，暫時未知乜事。

銀泰初段一度升3-4%但後段大回至幾乎無升跌， 明日再決定要唔要止賺，正所謂大家所講嘅"花開堪折直須折"。

保利協鑫曾下跌超過1%，但之後又有人推上2%，收市升2.9%, 繼續持有

組合今日下跌 0.16%

2011-05-09

今日沽出天能動力及中國龍工, 換入華潤水泥(1313.hk), 買入價$7.53.

恆指今日升176點, 成交縮至570億, 股票升跌比例大概 7: 4.5, 成交量少而且唔全面. 但係8連跌下太多好股下跌, 今日強勢既股票先行反彈, 而組合內股票除天能動力及中國龍工外全線上升.

天能動力再下跌1.8%, 無奈止蝕. 中國龍工雖然只係雞仔注, 但下跌已多都係先行止血.

保利協鑫連跌4日後今日強勁反彈, 收市升9.3%, 美中不足係成交量細, 期望佢繼續爆上.

華潤水泥及銀泰同樣以大成交升近3.7%,  走勢良好. 華潤水泥之前曾沽出止賺. 今日再入既價比上次既止賺更低, 希望贏面可以大d.

理文今日升近1.5%, 成交一般. 銀泰百貨升近3.7%, 成交亦近隨股價上升, 兩者都繼續持有

三江化工升近1.2%但成交很細, 暫時係橫行, 但整體趨勢仍然向上,  繼續持有


近日的幾次買賣以已經令持貨由10隻減至6隻. 重組大概完成. 現持有:

理文集團
銀泰百貨
華潤水泥
保利協鑫
重慶機電
中國三江化工



今日組合回報升近2.3%.

2011-05-06

今日減持天能動力，將資金換入保利協鑫，買入價$5.12。另外加注三江化工，買入價$3.34

恆指連跌8日，可能有好多人覺得個市好淡。但好似英哥話齋， 看淡要趁早，看好都要趁早。雖然未知見底未，但將資金集中火力落幾隻強股係我早前嘅目標。而家係一個篩走弱股嘅時候。

今日天能動力仍然好弱， 繼續跌超過2%。但我未完全睇淡，所以只係減持而冇全沽。

中國龍工更弱，今日再跌1.4%。暫時冇眼睇。

保利協鑫初段上升但之後冇力兼跌穿$5, 幾乎以為自己燈咗！ 好彩收市都企喺$5水平。成交量減少, 希望佢快d爆上.

三江化工今日繼續上升， 收市升2.7%。但成交唔夠大, 仍然係橫行格局.

銀泰百貨最強, 升近4%, 但成交量都係少. 但係而家睇番佢原來係呢幾日跌市其實唔係跌好多, 走勢幾好, 有機會應該會加多一注.

重慶機電同理文今日都下跌。但成交量不大, 似係橫行整固中, 繼續持有

組合回報今日升0.5%。

2011-05-05

今日沽出手上剩餘嘅中國南車。今朝再下跌超過3%, 亦跌穿250天線，無奈止蝕。

今早亦如$5.06買入保利協鑫。可惜買入後就下跌至$4.9附近，尾市升番上$5。

港股連跌7日。組合亦唔能夠幸免。天能動力又再下跌2.5%，但成交唔多，暫繼續持有。冇跟cup sir 沽出希望唔係錯誤嘅決定。

中國龍工跌超過6%, 但因為係雞仔注所以暫未沽出，博佢反彈再處理。

中國三江化工同重慶機電係今日曾經上升嘅股票， 但尾市都係冇力要跌番落黎。

恆指跌至23200水平， 連跌7日令好多人身家大縮水。個人嘅回報由跌市前嘅超過8%大跌至3.5%，損失頗大。如果自己所持有嘅真係強勢股，反彈時應該會有唔錯嘅幅度。正因為有呢個諗法所以幾隻比較重倉嘅仍然持有。但大市遲遲唔反彈， 可能仲係等緊亞爺有冇政策出台。反彈之日就可以知道自己嘅貨係咪強勢股。

今日回報下跌1.5%。又一痛苦之日。

posted from Bloggeroid

2011-05-04

今日減持少量中國南車。

恆指今日下跌300多點，9成股票下跌， 二三線股更加係重災區， 下跌3%以上嘅股非常多。

持股亦未能幸免。除重慶機電上升外全線下挫。中國南車更大跌超過6%，成交亦較上日急升，短其應該冇運行。明日如果反彈應改會在減持，等待時機再入市。

天能動力亦大跌，但尾段收復唔少失地，只係跌少於1%, 繼續持有。

中國三江化工初段升超過2%，但下午都要跟跌。仍然持有。

觀察名單中嘅保利協鑫亦跌唔住淡友攻勢下5%。曾經心動想買入，但近日個市真係太淡，都係忍忍手睇定啲先。

今日回報下跌2.2%。

posted from Bloggeroid

2011-05-03

今日沽出莎莎， 微利。

拉登被殺， 美股期貨飆升， 但其實對個市嘅實際刺激非常細。今日港股就展轉下跌80幾點收市。

持股方面， 天能動力同中國南車大跌，另組合回報今日下跌超過5%。但兩股成交並唔大， 大危機應該未有，不過好可能要涯價重慶機電連跌多日後今日終於回升， 兩股都升近2.5%，但成交不顯著， 短線仍未走出危險期，繼續觀察。

沽出莎莎後暫時增持多少少現金，暫時未有入貨嘅選擇。不過就算會入市， 應該都係會選擇增持手頭上已有嘅股而唔會入一啲自己冇嘅貨。始終資金唔多，而家嘅貨都係過於分散。

posted from Bloggeroid

外遊回來

趁假期到新加坡四天, 期間完全放下香港的股票不理, 事前亦冇特別處理外遊期間可能發生的波動, 一心認為自己手中所持股票於外遊前的價位和股票本身的質素並無值得另我憂慮的問題.

昨晚抵港後在機場等行李時上網一看都吃一驚, 理文集團連跌多日, 由離港前$10.28跌至今日$9.47, 下跌左7.9%. 扣除理文今日除淨都跌6.6%, 實在此料不及!! 雖然仍有盈利, 但已經大大減少, 唯有下月開市再部署.

重慶機電亦有類似情況, 但並未如理文嚴重. 兩股既MACD已經逆轉. 雖然佢地係我既中長線股, 但都係要研究一下佢地既下跌原因再作決定.

天能動力亦於4月28日急跌, 由$4.3下跌至$3.91, 單日下跌9%, 但成交量其實不大. 翌日更以更加大的成交升番上$4.1. 我此股既平均入市價係$3.95, 於基本因素無改變既情況下會繼續持有.

持貨於我離港的四日裡全部下跌, 只有銀泰百貨跌覆較小. 從報章新聞總結, 下跌原因係估計黃金周假期亞爺又會出手, 所以令港股連跌幾日, 再加上期指結算, 令波幅更大.

今次又上一課. 盡管持貨基本因素如何靚, 外遊前都應該先要做一些措施, 例如先行減持鎖定利潤, 無謂開開心心旅遊回來後要失落面對股市. 今次雖然損失不大, 但係已經令回報下跌左起碼2%. 如果事前有部署損失應該可以減低.

2011-04-21

今日沽出中聯重科， 加注入天能動力。亦沽出俄鋁換入中國三江化工。此股其實以經爆上幾日， 今朝入市時亦已經升超4%，但之後仍然繼續向上。希望唔會跟CUP sir 車尾太遲啦。

期權方面今日亦跟CUP sir 平咗中石油5月$9.75call。雖然只係獲利大概$1000，但我付出嘅期權金只係$3200左右，其實獲利已經超過30%。作為練習期權嘅首次出擊，收獲算係唔錯。

今日再跟進買入和黃5月$95call。呢隻係價外期權，如果正股上升至價內，爆炸力應該非同小可。

正股方面，急升咗兩三日嘅重慶機電同理文今日都有調整。重機曾下跌超過4%之後回順至跌2%。但成交並唔係特別大， 暫繼續持有。

天能動力今朝大成交升4%, 所以換出中聯重科並加注天能，但買入價已經接近全日最高位，幸好收市都能夠企穩。

2011-04-20

今日冇任何操作。

恆指今日升300幾點，但成交只有700多億。倉內股票有上有落， 跌得較多既係銀泰百貨， 但尾市15分鐘好多股票都抽升， 銀泰嘅跌幅亦大減。其實呢幾日銀泰都係橫行至下跌嘅勢，但成交細，似係收集嘅形態，再加上佢月初至今都升咗近20%，調整下都好正常。

理文一樣於尾市大幅上升， 收市升超過5%，尾段成交顯著， 我認為係利好現象。

重慶機電今日反覆於$3位置上落，最終微跌收市。重機自展開升浪到$3好似無力再上。於此價位整固一下都係好事。

俄鋁及中聯重科都下跌0.6 - 1.1%. 俄鋁已經多日收於10天線下並可能會跌穿50天線, 走勢差勁, 明日會決定是否繼續持有.

莎莎今日亦升2.8%. 作為零售股，應該回持有至黃金周過後先再決定是繼續持有。

中國龍工都升超過2%，但因為係於新開嘅一通戶口買嘅一隻測試股，對倉位影響好微。

今日組合回報升1.3%。

後記：一通買期權要"儲分"。新戶口有一分， 只可以買股票，要2分或以上先可以買期權，所以被迫買一手龍工增加分數。估唔到買股票都好似打機咁！

posted from Bloggeroid

2011-04-19

今日買入一手中國龍工， 及買入一張中石油$9.75 5月認購期權作為第一份期權功課，已經抱全軍覆沒心態，所以請大家不要模仿。另外亦將昨日沽出嘅華潤水泥換入中國南車，買入價$8.97。

受美國展望信貸評級被標準普爾降低影響，美股大跌，港股亦下跌超過300點。 但其實美國的評級一早就應該要降， 我唔係好認同呢個係令股市下跌嘅主因。

今日差不多全線持股下跌，上升的只有莎莎。中國龍工下跌3%, 但收市價較我的買入價仍然有些微進漲。

重慶機電初段上升，但收市都係冇升跌。其餘嘅持股都表現穩定， 下跌幅度都少於1%。只有天能動力表現較差，跌近2%。所以睇落市底其實唔太差。

今日組合回報下跌大概0.5%

2011-04-18

今日下午於$7.71沽出華潤水泥。

水泥股已經升咗一段時間， 華潤水泥都一樣， 冇乜回調過， 趁今日大成交跌2.5%先行鎖定利潤。

倉內股票今日由重慶機電及理文集團領漲。兩股分別升超過3%及2%, 成交亦配合。

上星期俄鋁表現強差人意， 本來排隊沽出但係到收市都未能成功。今日曾大升3%但下午又回跌。明天回再觀察先決定有冇需要沽出。

聽日亦都要密切留意中國南車(1766.hk)。此股今日超大成交爆上超過5.6%。早前兩個多月嘅深度調整應該正式結束， 可能回將今日華潤水泥嘅資金換入南車。

上星期五加注銀泰百貨後今日下跌1.3%, 成交量略大, 個人認為係整固中

天能動力跌近1%, 成交量細, 繼續持有

2011-04-14

今日又係超忙嘅一日， 只係收市時見天能動力大成交爆上超過7%，理文亦都有可觀升幅，成交亦不錯。

响恆指下跌嘅情況下倉位上升， 唔知算係好事定壞事。

posted from Bloggeroid

2011-04-13

今早見油價仍然下，便於競價時段為手中嘅MI 能源止蝕， 價位為$3.96, 比買入價大概蝕7%。早上佢嘅價位亦繼續下跌， 以為今早嘅決ding 冇錯，點知下午開市後佢掉頭回升兼高比昨日高收！ 即時令我諗起書本上所講 - 唔好經常望住個市， 尾市30分鐘先緊要， 其餘時段都係噪音…唔通我真係做錯？如果我留待下午先做決定， 我應該唔會放。不過今次都係一個lesson，應該要好好記住。

銀泰百貨升2%以上， 莎莎亦升1%，中聯重科亦升超過1%。繼續持有

江西銅下午跌轉升1%, 成交量跟昨日跌市差唔多一樣, 個人認為唔差. 俄鋁縮量微跌0.1%, 仍然持有

天能動力跌1.5%, 成交量只係略多, 佢由3月中至今都冇乜回氣, 我認為係正常調整.

理文早上跌得頗多，但尾市回升，只係微跌0.1%, 成交比昨日跌市時大好多(應該話尋日縮量跌), 從分鐘圖見到今日既成交主要係下午3點後令理文以大成交回升至昨日水平, 我認為係正面既訊號

2011-04-12

今日無任何操作.

恆指今日跌326點 (1.34%), 股票升跌比例大概係3:9. 下跌既原因可能係歸咎於日本東京電力將核幅射意外級別升至最嚴重既第七級, 原因係因為事件初期既核洩漏程度達到呢個級別. 但如果呢個真係下跌既主因咁就好無厘頭, 因為係"以前"既事. 倒不如話恆指連升多日都冇回氣, 今日係正常既回落.

持倉除華潤水泥外全線下跌! 跌得比較重既有江西銅 (2.9%), 中聯重科 (2.2%), MI 能源( (5.8%), 銀泰百貨 (2.3%), 天能動力(2%)

其餘既貨跌幅係: 莎莎 (1.7%), 俄鋁(0.5%), 理文(0.5%), 重慶機電(1.4%)

MI能源今日跌得最深, 曾經跌超過7%, 幾乎需要止蝕. 但因為好多石油股都因油價下跌1.5%而同時下跌. 除非油價會跌得再深令MI能源再插, 技術上仍險守10天線, 暫時會繼續持有

其他持貨亦繼續持有並密切觀察中.

2011-04-11

今日冇任何操作。

持股今早全線上升，回報亦係今年新高。但午後恆指掉頭向下， 持股亦有半數由升轉跌。

理文集團今早走勢好靚，但後勁不繼兼倒跌1.27%。但理文係其中一隻中長線持股。現在個trend 仍然向，但今天既成交頗大, 要小心觀察.  繼續持有。

重慶機電今日亦回套近2.4%. 此股已經大陽燭連升數日, 今日成交唔大, 繼續持有.

江西銅亦係先升後回, 成交一般, 近日呈橫行格局, 仍然持有.

華潤水泥昨日創新高後今日稍稍回落, 成交量縮減, 上升趨勢未變, 仍然持有.

天能動力今日大升3%, 成交量略為增加. 今日拜讀會計sir關於此股既分析, 真係獲益良多. 天能動力應該可以hold耐少少, 搵機會加注

中聯重科亦大升近3%. 可惜我既買入價唔靚, 今日既收市價只係俾我買入升2.1%

莎莎升2.2%. 數日前佢大成交突破時買入, 呢兩日成交普通, 繼續持有, 待黃金周前後睇走勢再決定點做

銀泰百貨昨日爆上後今日再升近1.5%, 但我覺得昨日及今日既成交唔夠大, 不過走勢上暫時冇沽出既理由

Blogspot 的 mobile version

自己開始於Blogspot記錄自己既投資, 亦經常瀏覽其他blogger既精彩文章. 但有時候公事不免繁忙, 在公司裡冇時間細閱, 唯有放工後在車上用電話繼續睇.

雖然市面上既smartphone既屏幕都有3.5"以上, 但有用過電話黎睇webpage既朋友應該都有經驗, 要經常放大網頁及左scroll右scroll先睇得晒整頁文字, 唔係咁過癮..

初時以為Blogspot冇提供mobile版本俾讀者, 不過其實係有既, 只不過係測試版. 如果大家有興趣於你既blog啟用呢個功能, 可以參考下面既步驟:

• 首先到 http://draft.blogger.com
• 用你既Login ID 及 password 登入
• 選擇你既blog, 然後再選"設定"
• 選擇"電子郵件及手機號碼"
• 於"Google 行動服務範本" 一欄, 選擇"是", 然後save setting

• 大功告成

完成後用手提電話睇Blogspot既blog就會變成咁:

2011-04-08

今日$11.5買入銀泰百貨(1833.hk)及$21.9買入中聯重科(1157.hk)。

港股今日升百多點， 成交近900億。追入銀泰百貨時佢已經比尋日升4%，但下午佢升幅擴大，收時升超過9%。買入銀泰有一半原因係CUP sir 及大家推介， 另一方面係五一黃金周臨近。買入莎莎亦係同樣原因。

中聯重科係半新股, 主力造混凝土機械、起重機械等等. 追入主要都係跟CUP sir同yfchan sir, 我暫時未得閒研究此股, 希望唔會令大家搭沉船員


持股升得最靚係重慶機電， 今日升4%左右， 成交亦配合。 正考慮係咪買多注。

理文集團今日亦一洗悶氣， 升左3.8%, 繼續持有。

華潤水泥再創新高, 升2.2%。莎莎一直下跌，尾市倒升近1.8%。MI 能源升近1%，江西銅升0.7%但成交薄弱, 全部繼續持有。

天能動力及俄鋁下跌， 俄鋁跌得比較多， 有1.8%, 暫時以橫行整固視之。

近期組合既股票數目有10隻, 開始驚應付唔黎!! 有幾會要做番d整合先得, 始終資金唔多, 分得太散好似冇乜著數!!

2011-04-07

今日公事極繁忙，幾乎完全冇時間睇市。開市於$4.3買入MI 能源(1555.hk), 之後冇其他操作。

posted from Bloggeroid

2011-04-06

今日於$4.45追入莎莎國際(0178.hk). 睇好莎莎既原因我諗都唔使多講, 大家都會見佢真係好好生意. 清明節假期前佢大成交突破, 今日以更大既成交再上6%, 希望升勢可以持續.

莎莎仲未公佈年度業績, 截至31/12/2010, 第三季營業額按年增長16.8% (未經審核). 現在市盈率是32.75倍, 其實比同業高, 換句話說係有點貴. 但平時行街觀察所見最為真確, 希望佢業績會靚靚. 另一隻有留意既零售股係慕詩國際, 市盈率只係12倍左右, 中期業績盈利增長144%, EPS 增長有成200%. 現價好似唔貴, 但慕詩主力比較高檔女裝, 平時經過亦唔見有太多顧客, 暫時仍然信自己對眼, 希望遲下有時間睇清楚佢地既年報比較下

其他持股今日表現普遍都係下跌. 俄鋁跌2%, 成交有9M, 比上日大好多, 要密切留意.

江西銅跌1.5%, 成交量不少, 有28M, 亦係要留意留意.

重慶機電跌0.4%, 理文集團跌0.3%. 兩者成交都唔大, 繼續持有

華潤水泥無升跌, 成交較大有30M, 比上日多50%, 暫繼續持有

天能動力升0.25%, 成交略少, 繼續持有

2011-04-04

今日冇任何操作。

組合內除華潤水泥(1313.hk)下跌2%外，其餘全部上升。理文集團表現最差，升不足1%。江西銅(0358.hk)， 重慶機電(2722.hk)，俄鋁(0486.hk), 天能動力(0819.hk)都升3-4%。

恆指今日升1.5%, 成交增至900億。重型機器股今日被抄上， 水泥股就好多都回落。要睇下有冇重機股未突破，可以俾我追入。 另外如果水泥板塊已經炒完嘅話， 不排除換入重機股。

剛剛的星期日買入了黃國英先生的新作<決勝在期權>。只係閱讀左幾頁， 仲未有乜感想， 但黃先生既文筆頗風趣幽默， 已經值得加分。 希望能從中有點得著。

posted from Bloggeroid

2011-04-01

今日愚人節， 換走好悶嘅中鋁(2600.hk)，換入俄鋁(0486.hk)，買入價$13.2。俄鋁業績幾好， 純利升50%，反觀中鋁就好麻麻，一早想換馬但未有對象，今日又請教CUP sir 意見都係覺得俄鋁比較值博， 所以即刻換馬， 希望我唔會做咗愚人。

其他持股今日大至持平。 大市尾段抽升， 但我啲貨好似不受影響。

華潤水泥今日稍為下跌， 但山水水泥今日就大成交爆上。正當我尋日仲話要諗下換走華潤水泥， 另一隻水泥股就爆上， 又應咗今日真係愚人節。

見到有網又問今年到而家係賺定蝕。其實都冇認真計過， 但年初放走數碼通， 計埋呢兩個月好差嘅交易， 整體應該係正回報， 不過實際百分比要計下先知。

posted from Bloggeroid

2011-03-31

今日中通服(0552.hk)公佈業績， 盈利上升但升得少，仲要响大量現金在手時宣布供股， 今早一開市即被洗倉，更一度下跌17%。開市時跌10%時都仲諗應該唔雖要沽， 無奈佢愈跌愈深， 逼住要蝕8%沽出。通意CUP sir 所講供股並唔係被洗倉嘅主因， 佢於三大電訊商上所賺都嘅利潤太少先係至命傷。所要都係除之後快。

今次由賺變蝕都係因為自己懶。如果我尋日有留意佢嘅業績公佈， 再好似費高sir 於競價時段沽出，今我就應該回蝕少好多！

幸好手上嘅華潤水泥表唔錯， 可以令整體回報不至見紅。但華潤水泥嘅業績其實唔係咁靚， 要密切留意， 必要時換馬。

今日亦於江西銅(0358.hk)下跌時小注買入， 收市市微跌， 但仍較買入價較高。

其他持股大至橫行， 天能動力，理文集團等都升跌不大。重慶機電升1.5%，全部繼續持有。

明日係四月嘅開始， 希望操作會比三月好。

posted from Bloggeroid

posted from Bloggeroid

2011-03-30

今日於$3.7買多一注天能動力(0819.hk)

大盤今日升389點 (1.69%), 成交接近900億, 係近期比較大既一日, 但升跌比例為714:453, 升覆唔係咁全面.

華潤水泥(1313.hk)今日升1.5%但成交略少, 仍然係整固格局, 繼續持有

中通服(0552.hk)升3.5%, 但成交薄弱, 仍以整固視之, 繼續持有

中鋁(2600.hk)繼續窄覆橫行, 升不足0.5%, 仍然係觀望

重慶機電(2722.hk)平收, 成交跟前幾日相若, 應該係密集整固中, 可能要一段時間先會向上

已經沽出既華晨(1114.hk)今日再爆7.7%, 成交量大, 個人認為係確認突破早前既trading range. 會加入觀察行列

2011-03-29

今日無任何操作。

華潤水泥先升後跌， 繼續持有。

華晨派成績表， 業績比預期略好, 開市時大升, 雖然之後回落不少，
但都升5%。我上星期怕佢見光死所以盡沽， 今日都無乜後悔， 唯有怪自己學藝未精。

昨日跟隨CUP sir 沽出的國際泰豐(0873.hk)今日大跌，但我暫時未知原因。其實唔做功課跟人買入真係幾危險， 隨時做左燈都唔知乜事。

中鋁今日微升， 仍然係橫行悶局， 繼續持有。

其他持股繼續微跌， 仍然持有觀望。

呢兩個月既成績真係強差人意。不過之前日本地震加核危機令股市大瀉， 而自己既持倉都算跌得唔算太多， 都係靠嚴守止蝕。如果我係死牛一族就真係無運行。

2011-03-28

今日公事超忙， 基本上無時間睇市。 開市後見CUP sir 沽出873, 因為係跟進買入， 所以我都先行沽出。 早上又見CUP sir 追入天能動力(0819.hk)， 約略睇下個圖就決定跟入當係換馬

上星期見2688 好似有突破既勢， 諗住今個星期睇定d 先， 點知今日大插， 突破形勢亦破壞， 唔係就要坐艇

手上其他持股今日普遍跌少少， 都無乜時間理， 聽日希望可以睇實d

2011-03-25

今日沽清手上的華晨(1114.hk). 雖然話佢業績應該幾靚, 但比較怕佢見光死, 再加上最初的買入價並唔係太靚, 今日又曾下跌2%, 不如鎖定微利先行離場觀察, 待下星期一公佈業績再決定點做.

華潤水泥昨日創新高後今日回套1.2%, 繼續觀察

中通服下跌3.7%回到10天線, 幸好成交量細, 現價比買入價略高, 繼續持有

中鋁今天雖然上升但成交不足， 仍然似係上落格局， 繼續觀望

重慶機電今日亦無跟隨大盤上升， 但現階段亦無乜危險， 會繼續持有

近呢兩星期既買賣比較頻繁, 但好似無乜目標，成績亦唔好，除左華潤水泥外, 實際上持股都無乜點賺。正再思考自己既投資方向， 但暫時都未有明確既結論。 另外亦知道黃國英先生出左一本關於期權既新書，今個周末會去書局睇下先

2011-03-24

昨日做懶人, 無出文兼無做功課就跟 CUP sir 小注買入國際泰豐(0873.hk), 一間做床品既公司.

今日無其他操作. 死牛愛股中國人壽及中國動向都公布左令人失望既業績, 睇圖就知市場係對呢兩間公司既comment. 兩股到今日仍繼續尋底, 如果大家愈跌愈買, 愈買愈開心, 我係到祝佢地好運!!!

自己持股方面, 華潤水泥(1313.hk)近3.8%, 華晨(1114.hk)更升4.7%, MACD雙牛, 今日加多一注

中鋁(2600.hk)中午前升超過2%, 但下午會落, 只係微升0.8%, 整體仍然係橫行, 繼續持有

中通服(0552.hk)大致無升跌, 在高位整固, 繼續持有

重慶機電(2722.hk)縮量向下, 繼續持有

理文集團(0746.hk)縮量橫行, 繼續持有

國際泰豐(0873.hk)昨日買入後下跌, 今日再下跌2.6%, 希望無燈到, 以注碼控制風險, 繼續觀察

2011-03-22

今日於開市買入理文集團 (0746.hk)

日本核危機開始穩定, 股市亦然. 港股昨日升超過380點, 今日繼續發力.

上星期宣佈供股既中國建築(3311.hk)於昨日反彈5%, 但今日又跌

華潤水泥(1313.hk)繼續強勢大成交上升, 但尾段升少左, 繼續持有

中國通訊服務(0552.hk)連續數日放量上升後尋日有少量回套, 今日再升2%, 但成交尚算不俗

重慶機電(2722.hk)放量上升兩日後今日大微升0.7%, 成交量亦縮減, MACD有向上趨勢, 繼續持有

華晨 (1114.hk)上星期五大跌, 但星期一大覆反彈, 今日繼續升3.3%, 唔通如CUP sir 話齋係震倉?! 今日成交都唔選太少, 但早前減持一半後所持無幾, 暫時會繼續持有, 遲下可能會沽埋佢

2011-03-18

今晚公司event, 所以早d出文

中午食完飯先知中國建築(3311.hk)供股, 股價由早上上升至下午急跌3%. 於如此不明朗既市況抽水, 股價下跌都唔知幾時先上得番, 所以立即斬纜. 如果佢唔晌呢段時候供股我會睇定d.

華晨(1114.hk)呢排都好鬼悶, 橫行兼向下, 今天升市佢仍然無力上升. 佢好似4月先公佈業績, 都唔知係咪繼續持有好!!

中鋁(2600.hk)亦係其中一隻悶股, 究竟佢地係咪考驗緊我既坐功?!

中通服(0552.hk)連升三日, 今日成交亦配合, 繼續持有

重慶機電今日反彈至$2.5, 成交縮, 等待下跌先再決定會否加注

2011-03-17

今日無任何操作。

港股又跌400 多點。重慶機電跌至$2.4, 係之前買入既位， 但今日暫時未加碼,因為日本方面仍未穩定， 仍然有下跌既機會， 再等下.

早前想入既渣打今日跌至$193, 但係都係唔敢買住, 等下星期再研究

2011-03-16

今早開市後為創維(0751.hk)止蝕, 收市佢仍然要跌超過5%

過去幾日都下跌既中通服(0552.hk)今日終於爆升6%, 成交量亦配合, 會繼續觀察係咪脫離危險期

中鋁(2600.hk)亦大成交升超過3.5%, MACD訊號轉強, 繼續持有

華潤水泥 (1313.hk),中國建築(3311.hk) 同重慶機電 (2722.hk)微升, 華晨就無升跌, 亦係繼續持有

今日港股既升跌比例唔夠2:1, 升勢唔全面, 恆指只係微升0.1%, 反彈都無力. 如果日本既核危機繼續惡化, 相信仲有得跌. 心目中想買入渣打(2888.hk)昨較長線既投資, 今早$197左右無買入, 到收市先發現佢升返上$199. 希望佢稍為會返幾蚊我就會買入

日本地震, 海嘯, 核危機

上星期五, 2011年3月11日, 日本發生9級大地震, 引發好似災難電影般既場面. 在辦公室裡看到房屋整座被洪水沖走, 大量汽車於水上漂浮, 船隻被沖上岸, 大量農田被黑色既海水淹沉, 心情極沉重

3月14日星期一, 日股跌6%, 但港股沒有下跌. 至昨日3月15日, 日本福島核電站4個反應堆相繼發生爆炸, 又開始擔心有嚴重輻射泄漏, 港股曾跌超過一千點, 收市跌660點左右, 成交亦超過一千億, 係恐慌性拋售

呢兩日個人昨日無任何操作. 持貨基本上無可避免全線下跌. 創維(0751.hk)2月銷售比去年同期跌52%, 重挫7%, 今日會減持並觀望.

重慶機電(2722.hk)昨日都曾下跌超過6%, 但收市價仍然高於我既買入價, 所以繼續持有

水泥建材類比較強勢, 可能係同日本重建概念有關. 手上既華潤水泥(1313.hk)逆市上升並創新高, 而中國建材(3311.hk)就下跌,但跌覆是比較細

華晨中國(1114.hk)整體仍然係橫行, 與上星期比較跌覆亦不大

中國鋁業(2600.hk)比較波動, 跌覆亦不少, 佢已經去到接近我既止蝕位, 會密切觀察

中通服(0552.hk)連續多日下跌, MACD訊號亦下跌, 隨時需要止蝕

2010-03-09

公事繁忙, 加上自己懶, 今日先更新!

跟黃國英先生所講買入既比亞迪put要止蝕離場, 正股今日升4%, put輪既收場都唔需要多講...再一次另我覺得要對沖應該用期權而唔係出名唔公平既窩輪或牛熊証.....奈何實在太懶, 再家上買期權先要有比較充裕既彈藥, 所以要做好正股投資先有得傾!

除此之外沒有其他操作. 水泥股今日做得幾好, 但中通服(0552.HK)及重慶機電就好麻麻.

觀察下中通服既日線圖, 近日都頗大上大落, 日線圖短期係向下,MACD亦然, 週線圖就比較好, 有向上趨勢...睇黎暫時都係range bound既格局, 如果再下跌應該可以於$4.9左右入多一注

中鋁(2600.hk)都係橫行, 但開始有向下既趨勢, 要密切觀察, 上返$7.7左右可能要沽出

2011-03-04

今早開市買入華潤水泥 (1313.hk), 換出中國聯通 (0762.hk)

下午亦跟英哥買入比亞迪(1211.hk)put輪, 博佢公佈業績後下跌

其他持貨方面, 今日升得最靚係中國建築(3311.hk), 升5%, 重慶機電升4.7%, 創維升2.6%, 全部都有大成交配合. 下星期會再跟進有冇加注既可能.

中鋁升1.3%, 但成交量少, 可能會換馬

中國通訊服務及華晨由升轉跌, 中通服平收但華晨大成交跌超過2%, 下星期要密切觀察

持有股票

華晨中國 1114.hk

中國鋁業 2600.hk

創維數碼 0751.hk

中國建築 3311.hk

華潤水泥 1313.hk

中國通訊服務 0552.hk

比亞迪 1211.HK PUT (26774.HK)

2011-03-03

今天小注於$5.32買入中國通信服務 (0552.hk). 其他持股未有變動.

信義玻璃 (0868.hk) 裂口上升, 最終決定不追入, 且看係咪一個正確決定.

兩三日前已經留意緊周生生(0116.hk)同六福(0590.hk). 六福以前都買過兩次, 第二次買入係佢配股後, 最終冇耐性微利離場...

周生生好耐以前都幫我賺都d使用, 但去年中再入就微蝕收場. 近日大市下跌, 兩股都有唔少調整, 但覺得今次周生生應該比較值搏, $16下觀察但冇行動......今日公事繁忙唔得閒留意...點知佢就升俾我睇...真係得個"睇"字, 吹漲!!!!! 要再加緊觀察

周生生今日5分鐘圖

周生生同六福既比較

另外, 中國聯通今日下午跌得頗多, 為防由賺變蝕, 明天要密切留意, 隨時沽出

2011-03-02

今日無任何操作.

早段幾乎跌500點, 早上既股票升跌比係2:8, 但收市後為3.8:7, 多左股票於下午上升. 恆指最終跌347點, 自己持貨方面由早上全線下跌, 扭轉為收市後有升有跌.

早幾日減磅既華晨 (1114.hk) 今日由跌轉升2.6%. 尾市15分鐘抽上, 但總成交得9m, 比早兩日多但唔係好突出....明天再觀察下會唔會加注.

手上既創維, 聯通及中國建材全部下跌2%有多, 暫按兵不動. 中國鋁業初段下跌幅度不少, 但下午跌少左, 觀察中.

收市後先知道信義玻璃 (868.hk)今日大成交爆上7%, 唔通係黃國英今日出文後炒上?! MACD又幾乎雙牛, 明日都要跟進一下!

2011-03-01

昨日都跟進一下d建材股, 買進少量中國建築國際 (3311.hk).

重慶機電係自己幾睇好既股票, 近日$2.4買入一注後, 希望可以逢低收集.

個人持股:

中國鋁業 2600.hk

創維數碼 0751.hk

中國聯通 0762.hk

華晨中國 1114.hk

重慶機電 2722.hk

中國建築 3311.hk

2011-02-28

今日自己既持股初段都跌得幾急, 開市無耐創維 751.hk 都已經跌破左我既平均買入價, 於是減磅一半, 微蝕

點知之後大家開始發力, 全線持貨今日都有正回報, 升2-3%....究竟我係咪太心急沽呢??

睇番黃國英今日所講:

"其實買二、三線股，最大的敵人是投資者自己。多數投資者的問題，是心理上自我設限，當股價升一成半成，便急急止賺；相反選錯股時，就算輸四、五成，仍堅持不肯止蝕"

"現在買二、三線股，應該有坐長一點、望遠一點的心理準備。如前所述，大市波動，如果以10%至15%作止蝕，來買賣二、三線股，並不足夠，很容易落買完即斬、斬完又買的尷尬情況。將止蝕放遠一點，來應付波動性，則要確保看對時坐足全程，方可補償額外的風險"

"要坐得夠遠，有下列兩大關鍵：首先，每隻股份投放的注碼要下降，避免愈跌愈買而不自知，到公司基本因素突變時，被一網成擒；其次，二、三線股佔整個組合的比例，要有一定上限，例如三至四成，保留充足的現金，和具防守性的大股，以平衡風險"

(全文參考: http://hk.myblog.yahoo.com/alexwongkwokying/article?mid=14870)

睇番自己既持股:

中國鋁業 2600.hk

創維數碼 0751.hk

中國聯通 0762.hk

華晨中國 1114.hk

重慶機電 2722.hk

如果非藍籌就屬於二三線股, 咁我既貨都應該係呢一類. 自己睇完 William O'Neil 既 "How to make money in stock"都開始做到嚴守止蝕既紀律, 但其實要做都如作者捕捉到咁準確既買入點係極困難, 自己有時會係未確認升勢就買入, 有時又會高追, 如果一律7%止蝕, 自己都覺得好矛盾!!!!

參考埋CUP sir既post (http://nodeadcow.blogspot.com/2011/02/blog-post_26.html) :

"個人認為近期市況較為波動，如果買入股票目的是追隨趨勢(Trend trading)的話，最好選一些中期趨勢向上的品種，注碼低一點，止蝕位宜定得遠一點。如果買入的目的是搏反彈的話(Swing Trading)，都最好是選中期趨勢向上而已有較深幅度調整的品種，但止蝕位可以定得緊一點"

現階段自己應該都係 trend trading, 所以應該要將止蝕位放遠d. 暫時先定止蝕位定為大概15%, 再隨機應變.....如果如黃國英先生所講10-15%都唔夠, 我恐怕自己承受唔到個波幅.

呢個止蝕位會按需要檢討

2011-02-25

今日俾我既感覺好明顯係反彈而唔係轉勢, 成交唔夠700億, 弱左d. 再加上某君鏡中花水中月既貼圖, 令大家都好有戒心!!!!!!

今日於$2.4買入重慶機電 2722.hk, 呢隻股應該會係中線選擇, 如果佢再跌我自己會俾多少少buffer, 始終唔想咁快被震走.

尋日自己先講過晌呢d咁唔明朗既時候唔好咁沖衝動入貨, 點知今日即刻掌自己嘴!!

2722 既日線圖, 弱過藥煲:

周線圖, 又唔係太差喎, 跌唔穿50週線:

電力設備股前境唔會差, 去年12月開始計已經跌左30%, 個人認為下跌風險自己應該承受到, 所以都係入左d.

目前自己其他持股由賺變平手, 或者由賺少少變倒蝕, 好明顯自己未能夠掌握sell既時機, 仍須努力!!!

2011-02-24

今日於$6.04 止蝕了50%於今個星期初買入的華晨 (1114.hk) .

今天股票既升跌比例係 126:1140, 可以話係血流成河. 午市之後跌勢好急, 唔單止二三線股, 連恆指都跌超過300點. 早兩日止蝕既聯塑 (2128.hk) 今日進一步跌4%....又一次証明嚴守止蝕既重要!!!!

呢幾日跌市既情況令自己對入市好有戒心! 每天都跌, 如果每天都入貨, 再嚴守7%止蝕都唔係辦法, 隨時會俾個市陰乾, 到個市真係到見底既一天就唔會有錢入貨....

所以暫時都係睇定d, 心急撈底可能後果嚴重....而家最後悔係無做對沖 (亦唔識兼唔敢做)....睇黎都要係呢方面下d工夫...

2011-02-23

今日沒有任何操作。 昨天為聯塑止蝕， 慶幸是正確的決定， 今天佢繼續下跌。 業績期前，唔通有春江鴨偷步沽， 過幾日出成績表就會知!

2011-02-22

今日恆指重挫500點, 跌幅 2.11%.....跌得咁金, 近期少見. 未知是否淡友藉北非政局不穩, 乘機狂攻. 其實現階段仍然認為北非問題未必會對港股有好大影響, 應該係心理影響居多

組合亦好自然跟隨下跌, 聯塑 2128.hk 下跌至6.46, 嚴守止蝕8%離場

昨天於$6.5買入的華晨 (1114.hk) 亦下跌近 2.8%, 繼續持有

其實都會覺得今日止蝕係咪正確....2128.hk 今日既下跌多數都係因為跟隨大市下跌, 再加上有間"大行"唱淡......其實諗反轉頭, 可能明天就會反彈, 到時先放損失咪少d囉....不過如果聽日一開市係繼續跌而唔係反彈咁點算??

其實自己買股票都唔係諗住同佢做人世, 仲係絕對有"投機"既成份....所以都係應該忍痛止蝕...

近日既市好難玩, 跌多過升, 要儲定彈藥買好股!!!

不如重新開始

去年4月至5月曾經兩度買入 A8電媒音樂 (0800.hk), 當時交銀國際將此股高唱入雲

第一次買入時($5.28)接近歷史高位, 微利 4%便全部沽出...

第二次買入時($4.27)是接近一個月後, 佢已經跌至$4邊....一個星期後又沽了, 只係微利 5%...

好彩當時全沽了, 今日回頭再看, 股價橫行兩三個月後就開始下跌, 至到今個月中既$2.53....相比我當初既買入價足足跌左50%

1月13日A8大成交放量上升, 其後幾日橫行, 1月21日再爆上, 成交足, 所以當日小注買入...個人覺得 TA 黎講走勢幾靚. 曾經唱好既交銀今天大力唱淡, 更加係買入既另一個因素

如果佢既升勢可以確認先再加注, 睇定少少比較穩陣

1月19日

今早全數沽出聯塑 (2128.hk), 換入中國鋁業 (2600.hk)

同創維(0751.hk) 類似, 博中鋁係一隻熊轉牛既股, 不過買入時間好次唔係咁好, 應該上星期已經入貨, 但係好股無限, 資金有限

前日收市後中鋁發盈喜, 昨日應該一開市就追入.....呢個都係個教訓, 要好好記住

今日亦跟隨 CUP SIR 小注 PUT 騰訊 (0700.HK), 見呢隻股近日超買嚴重, 希望可以偷雞

1月18日

今日於$3.22沽出旭光(0067.hk), 平手離場.

此股是於1月3日大成交突破是跟進買入, 但買入後此股比較悶, 最終放棄, 希望唔係一個錯既決定

沽出旭光後加碼於$4.97買入創維數碼 (0751.hk)

1月14日

1月14日於 $4.65 買入創維數碼 (0751.hk), 看好家電下鄉對此股的影響, 跟隨 CUP SIR 買入, 希望可以由熊轉牛 !!!!

2010年3-4月創維由雙頂$10 下跌至今, 近期開始有回升既跡象, 我對佢都幾大期望架

數碼通 (0315.hk)

去年11月尾既時候以 $11.78 小注買入數碼通, 估唔到買左之後佢都冇乜點調整過. 昨日1月11日此股更發出盈喜, 股價更於大成交下升5.6%.

雖然佢走勢咁漂亮, 但都係因為自己信心唔夠, 一路都冇加注.... 而家已經比我買入時升左近 50%!!!!!

但回想一下, 此股咁耐都冇調整過, 其實係咪一早有消息人士不停買入等高位散貨呢! 個人認為不可不防 !!!

瑞信雖然調高數碼通既目標價到$15, 但仍然維持"跑輸大市"既評級....我個人認為呢個係正面既訊號, 通常大行所講既評級都唔係咁信得過, 我甚至會認為係"燈", 可以反其道而行.

觀乎正面同負面既因素, 暫時唯有以注碼控制風險!

買回聯塑

聯塑 (2128.HK) 上星期配股後下跌7%至配股價. 為減低風險先行減磅

今年似乎企穩配股價, 決定於 $6.45 買回

第一篇

第一篇blog 估唔到係手上貨聯塑 (2128)大股東配股, 暫時仍未跌穿配股價 $6.1 - $6.4.

趁呢個消息於 $6.4 減持50%, 再觀望下有冇需要放埋手上既持貨

對上一次六福 (0590) $24-26配股, 我就曾經係 $24 左右入貨, 本來認為佢守得住配股價應該唔會差, 但此股始終未能延續2010年既升勢, 最終都係大概平手離場.......所以今次減持聯塑, 都係要多觀望下先考慮會唔會再入貨

2011年新年過後港股連升多日, 個人持股都有上升, 但坊間似乎一面倒看漲既言論就令人不安!!! 再參考其他專業網友既意見, 要開始考慮減磅!

手上持股:

0067 旭光

0179 德昌電機

0315 數碼通

0806 惠理集團

2128 中國聯塑