大插

今日於$3.85沽出餘下嘅保利協鑫，止蝕離場， 虧累超過15%。

恆指今日跌200點左右， 但成份股外大量股票下跌。升跌比例大概1:3。無論手上持貨或監察明單都差唔多全線下跌。持貨方面理文集團及中國南車上升近1%，其餘嘅就真係乏善足陳。

大量股票午市後跌幅擴大。卡姆丹克大跌4%至$3.2以下。如果再下跌至$3.1下會加注。

重慶機電跌至$2.3。個人認為呢個價應該會有支持，如果跌唔穿回加一注。

北控水務亦跌穿$2.3，會觀察係真跌穿或假跌穿，再參考幾位專家嘅意見先決定會唔會加注。

三江化工再跌超過2%，暫時繼續持有。

華潤水泥亦失去多日強勢跟隨大市下跌，收市跌2%。如果情況唔樂觀回盡早止蝕。

近日美股五連跌，個市去向好似唔係太樂觀。策略仍然係保持一定現金，小注入市，避免睇錯方向做成大損失。密切留意一啲監察中嘅好股，逐步加注。手續費雖然相對昂貴但亦比較保險。

組合回報今日再次下跌近2.7%。又四月尾開始嘅大跌浪真係令人心痛，但亦係汲取經驗嘅好時機。