2011-04-20

今日冇任何操作。

恆指今日升300幾點，但成交只有700多億。倉內股票有上有落， 跌得較多既係銀泰百貨， 但尾市15分鐘好多股票都抽升， 銀泰嘅跌幅亦大減。其實呢幾日銀泰都係橫行至下跌嘅勢，但成交細，似係收集嘅形態，再加上佢月初至今都升咗近20%，調整下都好正常。

理文一樣於尾市大幅上升， 收市升超過5%，尾段成交顯著， 我認為係利好現象。

重慶機電今日反覆於$3位置上落，最終微跌收市。重機自展開升浪到$3好似無力再上。於此價位整固一下都係好事。

俄鋁及中聯重科都下跌0.6 - 1.1%. 俄鋁已經多日收於10天線下並可能會跌穿50天線, 走勢差勁, 明日會決定是否繼續持有.

莎莎今日亦升2.8%. 作為零售股，應該回持有至黃金周過後先再決定是繼續持有。

中國龍工都升超過2%，但因為係於新開嘅一通戶口買嘅一隻測試股，對倉位影響好微。

今日組合回報升1.3%。

後記：一通買期權要"儲分"。新戶口有一分， 只可以買股票，要2分或以上先可以買期權，所以被迫買一手龍工增加分數。估唔到買股票都好似打機咁！

posted from Bloggeroid