2011-04-21

今日沽出中聯重科， 加注入天能動力。亦沽出俄鋁換入中國三江化工。此股其實以經爆上幾日， 今朝入市時亦已經升超4%，但之後仍然繼續向上。希望唔會跟CUP sir 車尾太遲啦。

期權方面今日亦跟CUP sir 平咗中石油5月$9.75call。雖然只係獲利大概$1000，但我付出嘅期權金只係$3200左右，其實獲利已經超過30%。作為練習期權嘅首次出擊，收獲算係唔錯。

今日再跟進買入和黃5月$95call。呢隻係價外期權，如果正股上升至價內，爆炸力應該非同小可。

正股方面，急升咗兩三日嘅重慶機電同理文今日都有調整。重機曾下跌超過4%之後回順至跌2%。但成交並唔係特別大， 暫繼續持有。

天能動力今朝大成交升4%, 所以換出中聯重科並加注天能，但買入價已經接近全日最高位，幸好收市都能夠企穩。