熊蹤？

今日於$3.02沽出卡姆，$9.2減持一半理文，及於$8.7買回一注聯邦制藥。

港股今日大瀉近700點，跌幅超過3%，應該係亞太之最。成交亦升至800億。

組合中卡姆跌6.8%，重機跌6.5%，銀基跌3.7%，北水跌3.5%。理文跌1.3%算係硬淨，但山水水泥無升跌已經係組合內表現最好一員。

今日嘅大瀉主因又指向歐債危機下一個爆煲國家係意大利。但意大利嘅經濟規模係歐豬中最大(或第二，待確認)，斷估歐盟唔回俾佢死，會唔會係大戶空軍嘅藉口呢？如果意大利真係出事咁就真係大鑊。

近期都應該要保留足夠現金，待短期跌勢完結時有彈弱反攻。買入聯邦主要係覺得佢跌得太過份，3日內跌到年多前嘅低位。雖然於咁嘅市係有機會再跌，如果佢跌低過$8我會考慮大注買入。

組合回報今日跌3.2%，現金37%