2011-05-09

今日沽出天能動力及中國龍工, 換入華潤水泥(1313.hk), 買入價$7.53.

恆指今日升176點, 成交縮至570億, 股票升跌比例大概 7: 4.5, 成交量少而且唔全面. 但係8連跌下太多好股下跌, 今日強勢既股票先行反彈, 而組合內股票除天能動力及中國龍工外全線上升.

天能動力再下跌1.8%, 無奈止蝕. 中國龍工雖然只係雞仔注, 但下跌已多都係先行止血.

保利協鑫連跌4日後今日強勁反彈, 收市升9.3%, 美中不足係成交量細, 期望佢繼續爆上.

華潤水泥及銀泰同樣以大成交升近3.7%,  走勢良好. 華潤水泥之前曾沽出止賺. 今日再入既價比上次既止賺更低, 希望贏面可以大d.

理文今日升近1.5%, 成交一般. 銀泰百貨升近3.7%, 成交亦近隨股價上升, 兩者都繼續持有

三江化工升近1.2%但成交很細, 暫時係橫行, 但整體趨勢仍然向上,  繼續持有


近日的幾次買賣以已經令持貨由10隻減至6隻. 重組大概完成. 現持有:

理文集團
銀泰百貨
華潤水泥
保利協鑫
重慶機電
中國三江化工



今日組合回報升近2.3%.