止血

今日相信係好多追blog 人嘅記念日，好多曾經強勢嘅股票都被洗倉。聯塑被調低評級後單日大瀉11%。東岳跌6%，三江化工繼續下跌3%，華潤水泥曾跌超過3%最終跌約2%。銀泰跌3%。但涯沽多日嘅保利協鑫喺高盛，野村等3間大行同時唱好下反彈超果4%。

眼見大量中資股被輪流洗倉，雖然自己反應太慢，但因為自己組合內嘅股票大都受影響，無奈要大幅減榜。趁反彈今早於$4.25沽出一半保利協鑫，另一半暫時持有，再觀察反彈力度如何。

於$2.5沽出重慶機電，微利。
於$10.06沽出理文集團。獲利大概12-13%。雖然佢一直位於上升軌，亦唔係中資股，但現在風頭火勢，而佢亦都好似想向下嘅感覺，都係套利為上。

此外亦於$12.8沽出銀泰百貨，獲利7%

而家仍然持有少量三江化工， 保利協鑫及華潤水泥。近乎清倉。

組合回報繼續下跌至-9%。雖然係好差， 但現金多咗， 心理上反而唔會咁用容易俾個市影響，可以客觀啲觀察個市！今日沽出嘅股尤其係理文都係好股，當時機適當回再次上車。