2011-05-23

今日恆指大瀉超過480點，成交只有600幾億。股票升跌比大概1:10,跌勢廣泛，個人感覺仲有得跌。

早前遭洗倉嘅保利協鑫上星期五反彈3%後今日又跌7%。強勢股東岳洗倉未完，報章唱淡後再跌10%。太陽能股卡姆丹克跌6.7%。個人觀察嘅股票只有內需股如銀泰，利邦上升。華潤水泥今日都上升但似係反彈居多。

上星期沽出套利嘅重慶機電今日繼續跌至$2.4水平， 開始重返之前嘅買入價，會於$2.4開始收集。

理文今日跌1%至$9.9。會繼續觀察係咪繼續下跌先再決定會否再次買入。

三江化工跌超過2%, 仍然未有反彈，動力非常弱。

聯塑繼上星期大插11%後今日反彈2%，但好可能未跌完，睇定啲先決定會否買入。

連日下跌難免令人覺得熊市嘅來臨，等個人偏向認為係一次比較深嘅調整， 但未有完整上升勢頭時入市都係以保險穩陣為重。

組合回報因手上既三江及保利協鑫繼續下跌, 再跌2.5%