2011-06-21

今日於$6.76沽出一半華潤水泥, 及於$2.54全沽三江化工 - 勁蝕離場.



手上既三江一直被洗, 自己一直期望有似樣既反彈, 好可惜無出現!!! 愈跌愈深, 無奈放棄持有, 但為時已晚, 此股勁蝕超過20%, 絕對係今年既反面教材.



恆指今日升251點, 成交略增至近700億, 自己認為略嫌不足. 升跌比大概係2:1. 個人持股及監察明單中好多都有幾個%既升幅. 華潤水泥及北控水務都反彈超過3%. 重慶機電升近2.5%, 上返$2.1水平, 全部繼續持有。


中國南車下跌近2.8%，但其實冇乜負面消息影響，暫繼續持有。

上星期止蝕嘅理文今日反彈近4%，但除非大市確定上升，否則佢應該回再跌，暫唔急於買wui。

組合回報今日因為沽出三江後持股總值大減，基數細咗所以跌幅擴大，跌3%。

話時話，自己都唔清楚組合回報應該點計……應該用年總回報除持貨總額， 定係用年總回報除初嘅起始資金呢？！自己嘅投資戶口同現今戶口係一個綜合理財戶口，買股票直接於cash a/c 買賣，其實冇記錄現今嘅加減，所以自己嘅倉位回報都係用總回報除持貨總額。但始終覺得條數唔多妥。